Mostar

Mostar
Localidat de Bosnia y Herzegovina
Anvista de Mostar y o puent viello.
Estato  • Entidat  • Cantons	Bosnia y Herzegovina Bosnia y Herzegovina Herzegovina-Neretva
Superficie	97 km²
Población  • Total	128.448 hab. (2007)
Altaria	55 m.
Ríos	Neretva
Mostar en Bosnia y Herzegovina
[1]

Mostar (Мостар en alfabeto cirilico) ye una ciudat de Bosnia y Herzegovina situata en o cantón de Neretva-Herzegovina. Ye a capital historica d'a rechión d'Herzegovina

A suya población ye s'estima en 128.448 habitants (2007), en una superficie de 97 km².

Población por etnias y nacionalidatz

A población mayoritaria a principios y metat d'o sieglo XX yera crovate u bosnia catolica, como en tota a Herzegovina Occidental. Os bosnians musulmans, con mayor creiximiento demografico, consiguioron superar licherament a la población crovate enta 1991. Os serbios yeran minoritarios. En a Guerra d'independencia de Bosnia y Herzegovina a proporción d'as nacionalidatz etnicas cambeó, quasi no bi ha serbios y bi ha un mayor predominio de bosnios musulmans por a plegata de refuchiatos d'atras localidatz d'Herzegovina.

Historia

Fue fundato a fins d'o sieglo XV, quan o dominio otomán estió a capital administrativa d'Herzegovina. Dende 1881 Mostar estió a seu d'o bispato de Mostar-Duvno. En 1939 Mostar fació part d'a Banovina Crovata, y quan a Segunda Guerra Mundial estió una d'as ciudatz importants d'o Estato Independient de Croacia.

En a decada de 1990 Mostar estió un d'os principals escenarios d'a Guerra d'independencia de Bosnia y Herzegovina. En a primera fase d'a guerra, en a que os bosnians musulmans y crovates luitaban contra os serbios, a part este d'a ciudat cayó en poder d'os serbios y en a part ueste a población crovate podió resistir, pa dimpués d'uns meses forachitar a los irregulars serbios, con o que a minoría serbia fuyó. Como lugar central d'Herzegovina teoricament baixo control d'o gobierno legal bosnián, Mostar se plenó de refuchiatos musulmans d'as zonas d'Herzegovina baixo control serbio. En a fase intermeya d'a guerra as tropas d'o gobierno bosnián, mayoritariament musulmanas, encomenzoron a atacar a los crovates en Bosnia Central y Herzegovina. En Mostar os crovates controlaban a part ueste y os musulmans a part este. Os musulmans de Mostar, encara que con menos medios, y con as linias de suministro bloqueyatas por os crovates, contaban con l'aduya local d'os serbios y a comunidat internacional y podioron resistir con eficacia, y dica abanzar posicions fendo retacular a los crovates. O puent viello fue destruito por os crovates. Os cascos azuls espanyols estioron implicatos en o conflicto, participando en labors humanitarias.

Puestos d'intrés

• Puent viello de Mostar u stari most.