Guerra de Bosnia-Herzegovina

De Biquipedia
Ir ta: navego, busca
Guerra de Bosnia-Herzegovina
Guerras yugoslavas
Bosnian war header.no.png
Imáchens d'a Guerra d'independencia de Bosnia-Herzegovina.
Información cheneral
Calendata: 1992-1995
Puesto: Bosnia-Herzegovina, Croacia, Serbia
Resultato: Paz forzata con partición de Bosnia-Herzegovina en cantons etnicos, os serbios con a millor part, consumación d'a limpieza etnica.
En conflicto
Flag of Croatia.svg Fuerzas armatas crovatas Flag of SFR Yugoslavia.svg Yugoslavia Flag of Bosnia and Herzegovina.svg Bosnia-Herzegovina
Comandants
Franjo Tuđman
Mate Boban
Milivoj Petković
Dario Kordić
Slobodan Milošević
Radovan Karadžić
Ratko Mladić
Alija Izetbegović
Sefer Halilović
Rasim Delić
Soldatos
~70.000 ~120.000  ?
Baixas
6.439 soldatos
1.899 civils
20.649 soldatos
3.555 civils
34.270 soldatos
32.723 civils

A guerra d'independencia de Bosnia-Herzegovina estió una guerra escaicita en 1992-1995 en a Republica de Bosnia y Herzegovina que siguió a la declación d'independencia d'esta antiga republica yugoslava dimpués d'un referendum y esdevinió una guerra complexa que enfrentó a nacionalistas serbios y crovates contra o Gubierno legal de Bosnia y Herzegovina, refirmato por os nacionalistas bosniacos musulmans y bells serbios y crovates no secesionistas. Encara que teneba o mesmo caracter de guerra d'invasión con aduya de disidents en o país invadito, con limpiezas etnicas, mortaleras masivas, violación y saqueyo, impresionó més a la opinión publica europea que a guerra d'independencia de Croacia por haber-ie un refirme estatounitense a lo gubierno musulmán de Bosnia, refirme que compensó as reticencias d'os países europeus a lo que consideraban una extensión d'os procesos secesionistas en Europa.

Preliminars[editar | editar código]

Quan o principio d'a guerra d'independencia crovate encomenzó una tensión en Bosnia-Herzegovina, os bosniacos musulmans y os crovates deseyaban a independencia y os serbios s'oposoron a esta independencia. Bi habió una declaración de sobiranía o 15 d'octubre de 1991. Se contempló a ideya d'a partición de Bosnia en tres partz, ideya a la que s'oposoron os bosniacos os musulmans. O 9 de chinero de 1992 l'Asembleya d'o pueblo serbio de Bosnia y Herzegovina]] adoptó una declaración que proclamaba a Republica Serbia de Bosnia y Herzegovina (SR BiH).

Encomienzo d'a guerra[editar | editar código]

Territorios serbios autoproclamaus en rebelión contra o gobierno de Bosnia entre 1991 y 1992.

Os días 29 de febrero y 1 de marzo de 1992 se fació un referendum pa votar sobre a independencia de Bosnia-Herzegovina con una participación d'o 64% por haber estau boicoteyau por os serbios de Bosnia-Herzegovina. O resultau estió d'o 98% a favor d'a independencia y a Republica de Bosnia y Herzegovina esdevinió un estau independient o 3 de marzo de 1992. Os serbios reaccionoron formando tamién en marzo a Republica Serbia de Bosnia-Herzegovina con a intención d'estar unificada con Serbia[1].

A tensión creixió y entre marzo y abril se producioron riotas y asesinatos y en abril de 1992 esclató la guerra entre serbios y independentistas bosniacos en Sarajevo, estendendo-se a guerra por buena part d'o país[1].

L'agresión serbia[editar | editar código]

A Republica Serbia de Bosnia y Herzegovina encomenzó a prener o control d'as zonas de mayoría serbia y atacó tamién zonas con muita población serbia como Sarajevo (a ciudat ye de mayoría musulmana pero os lugars d'a redolata no), Posavina (de mayoría crovata pero necesaria pa dar continuidat territorial a los serbios), y ciudatz grans de Bosnia Oriental de mayoría musulmana.

En l'aria de Bosnia Oriental a man d'a muga os musulmans no podioron controlar que bells enclaus como Gorazde, Srebenica, Zepa, ecetra... A lo principio os crovates luitaban contra os serbios chunto con os bosniacos musulmans y prenioron o control d'Herzegovina occidental y muitas localidatz de Bosnia Central de mayoría crovate u de mayoría musulmana como Kiseljak. Os refuchiatos musulmans d'atras zonas facioron que aumentás o porcentache de población musulmana en puestos como Mostar.

O 22 de mayo de 1992 a Onu reconoixió a Bosnia-Herzegovina independient, pero en ixos días os serbios y crovates negocioron en secreto a partición de Bosnia[2].

Mientres os bosniacos musulmans, que no s'heban preparato pa a guerra, no podeban recuperar as zonas que perdeban y tendeban a reblar, os crovates manteneban as suyas posicions y comenzoron a funcionar d'una traza cada vegata més autonoma con respecto a lo gubierno bosnián, plegando a fer treguas con os serbios.

Guerra crovate-bosniaca[editar | editar código]

Gnome-searchtool.svg
Ta más detalles, veyer l'articlo Guerra crovate-bosniacaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Encara que se considera que a guerra crovate-bosniaca encomenzó en chunio de 1992, en a santmigalada de 1992 se producioron primers enfrentamientos greus entre bosniacos y crovates. En octubre de 1992 Bosanski Brod cayó en poder d'os serbios y con ixo consiguioron asegurar-sen o corredor de Posavina entre Banja Luka y Bosnia oriental.

En octubre de 1992 Jajce cayó en mans d'os serbios dimpués de combates entre crovates y bosniacos musulmans por o control de Bosnia central[2].

En chinero de 1993 o plan Vance-Owen proposó a división de Bosnia-Herzegovina en 10 provincias autonomas, 3 de bosniacas (Bihač, Zenica y Tuzla), 3 de crovatas (Mostar, Kupres y Posavina) y 3 de serbias (Bosnia Occidental, Bijeijna y Herzegovina oriental) y una común (Sarajevo). Os serbios no acceptoron y a guerra continó. Tamién en chinero de 1993 bi habió violentos combates entre crovates de Bosnia-Herzegovina y tropas musulmanas.[2]

Se succdioron plans de paz que no se aceptoron y altos o fuego que no se respectoron. A Unión Europea se mostró un intermediario ineficient y iba estando sustituita por Estatos Unitos. O principal d'a guerra yera o enfrentamiento de crovates y bosniacos en Bosnia central. A guerra yera perén en Gornji Vakuf. En chunio de 1993 bi habió una ofensiva bosniaca en Travnik contra os crovates,[2] os crovates pierden a ciudat y se refuchian en territorio ocupato por os serbios. En octubre de 1993 bi ha atra ofensiva bosniaca en Vares en a que os crovates fuyen d'a ciudat perdita.[2] O 28 d'agosto de 1993 se constituye oficialment a Republica Crovata de Herzeg-Bosnia. Os serbios, que ya teneban lo que quereban se limitaban a ir ocupando as ciudatz que resistiban aislatas en Bosnia Oriental u a abanzar por Bosnia Central aproveitando que i luitaban os crovates y musulmans.

Os bosniacos yeran més numerosos y poquet a poquet prenioron o control de muitas localidatz de Bosnia central. En Bosnia central os serbios y crovates yeran aligatos pero en Herzegovina os serbios yeran aligatos d'os musulmans. En Bihač os bosniacos musulmans locals s'heban declarato autonomos con respecto a lo gobierno bosnio de Sarajevo, tenioron o refirme d'os serbios y encomenzó una guerra en a que as autoridatz de Sarajevo forachitoron a los bosniacos autonomistas.

Fin d'a guerra[editar | editar código]

Estatos Unitos y a Unión Europea replanteyoron a qüestión con o prochecto de formación d'una federación crovata-musulmana y forzoron que os crovates y bosniacos continasen chuntos, (encara que a guerra entre os dos bandos tardó en aturar-se). Con os dos bandos chuntos i habió primero unos abances en Bosnia oriental y central. Os abances en Bosnia central se facioron cerca de Tuzla. Os abances en Bosnia central se facioron en a Operacija Cincar, en a que se prenió a ciudat de Kupres o 3 de noviembre de 1994.

En chulio de 1995 os serbios prenioron Srebenica y fazioron una gran mortalera, (més rapida y gran que as atras que heban feito en atras ciudatz de Bosnia oriental). Por ixos mesmos tiempos se produció a Operacija Ljeto '95 u "operación verano de 1995", en a que o exercito crovate de Bosnia y o exercito crovate abanzoron por Bosnia occidental a man d'a muga pa aislar a capital de Krajina (Knin).

En agosto de 1995 a guerra cambeó de tot. Os crovates heban recuperato Krajina en a operación Oluja y os bosniacos de Bihač ya no yeran rodeyatos de serbios, por o que podioron abanzar enta l'este. Un nuevo atentato en Sarajevo estió motivo pa que a Otan bombardeyase as posicions serbias arredol de Sarajevo. Os crovates de Bosnia central abanzoron por a meseta de Kupres y recuperoron Jajce en a Operacija Maestral ("Operación Mistral"). Os bosniacos de Bosnia central tamién abanzoron enta l'ueste y ocuporon enclaus serbios que i heba en a mesma Bosnia central, devez que os bosniacos de Bihač abanzoron ta l'este en a Operacija Sana ("Operación Sana"). Os serbios de l'aria de Banja Luka reaccionoron con més expulsions y mortaleras.

Estatos Unitos forzó que o 21 de noviembre de 1995 se firmase a paz de Dayton[1], que dividió o estato Bosnio en dos entidatz pseudoestatals: a Federacija Bosne i Hercegovine (Federación de Bosnia y Herzegovina y a Republika Srpska (Republica Serbia).

Referencias[editar | editar código]

  1. 1,0 1,1 1,2 (fr) Dennis P.Hupchick, Harold E.Cox: Les Balkans. Atlas historique. Ed Economica, 2008. p 110.
  2. 2,0 2,1 2,2 2,3 2,4 (es) Carlos Taibo, José Carlos Lechado Los conflictos yugoslavos: una introducción. Editorial Fundamentos 1993, p 197-200.

Bibliografía[editar | editar código]

Vinclos externos[editar | editar código]