Mes

De Biquipedia

Un mes ye cada un d'os doze periodos de tiempo, d'entre 28 e 31 días, en que se dibide l'año. D'antis más mes yera sinonimo de lunazión, que alto u baxo dura 29 días e meyo. En un año bi ha 12 lunazions e sobran 10 días. Primero istos días sobrants no yeran de dengún mes, pero con o tiempo s'ha ito repartindo entre os diferents meses, dica plegar ta la situazión autual, en que mes e lunazión ya no coinziden. A durazión d'os meses s'establió de forma aleatoria: por exemplo, chulio e agosto tienen os dos 31 días porque se consideró que o mes adedicato á Zésar Augusto no eba de tener menos que l'adedicato á Chulio Zésar; e d'atra man febrero, zaguer mes de l'año román, se quedó con menos días que a resta.

Cada mes agrupa un minimo de cuatre semanas.

Tanto en o calandario gregorián, como en o calandario chulián, l'año tien doze meses. En aragonés, cada un d'istos meses tien un nombre d'orichen latín:

mes	nº días	nombre orichinal
Chinero	31	(XI) Ianaurius (de Chan, Dios d'as puertas)
Febrero	28 ó 29	(XII) Februarius (de Februus, antigo Dios etrusco)
Marzo	31	(I) Mars (de Marte, Dios d'a guerra)
Abril	30	(II) Aprilis (d'Apru, diosa etrusca)
Mayo	31	(III) Maius (de Maya, diosa floral)
Chunio	30	(IV) Iunius (de Chuno, diosa d'o matrimonio)
Chulio	31	(V) Quintilis (zinqueno mes) e Iulius (en onor á Chulio Zésar)
Agosto	31	(VI) Sextilis (seiseno mes) e Augustus (en onor á Zésar Augusto)
Setiembre	30	(VII) September (sieteno mes)
Otubre	31	(VIII) October (güeiteno mes)
Nobiembre	30	(XIX) November (nueno mes)
Abiento	31	(X) Adventum (plegata, arribata)