Marte (mitolochía)

De Biquipedia
Ir ta: navego, busca
Marte

Marte (en latín Mārs) yera, en a mitolochía romana, o dios d'a guerra, fillo de Chupiter en forma de flor y de Chuno. Se le representaba como a un guerrero con armadura y con un yelmo. Tenió dos fillos con Venus: Fuga y Timor (respectivament Deimos y Fobos t'os griegos).

O dios Marte provien d'o Ares griego de Tracia, an o suyo culto no yera muit difundiu, y no teneba repercusions morals u socials. Ya existiba, en cambeo, ista deidat en Atenas, an teneba un templo en o Areopago (en griego, "tozal d'Ares"). Antes d'a guerra se le ofriban sacrificios, y amaneixeba en as batallas acompanyau por a diosa guerrera Belona (que o suyo nombre deriva de l'arcaico italico Duellona), una divinidat orichinalment sabina, de nombre Nerio, que por unatra vía fue identificada mes tarde con Minerva. Levaba un casco, un escudo, una lanza y una torcha, por la qual cosa tamién s'identificó erroniament con a diosa Enio, divinidat griega d'a guerra, filla d'a chirmana chemela d'Ares, Eris diosa d'a discordia.

Marte dio nombre a la quatrena planeta d'o sistema solar: Marte, a o segundo (u tercer seguntes qualques relichions, calandario u rechions como en EE.UU.) día d'a semana: Martes y a o mes de l'anyo: Marzo.

En Galia o dios Marte s'asimiló con ciertas divinidatz galas autoctonas orichinando un important culto a un Marte galo-román. En Hispania a divinidat autoctona Neton s'asimiló a Marte.

O dios Marte ye mencionau en os textos medievals aragoneses con o suyo nominativo en latín Mars.