Mammuthus primigenius
| Mammuthus primigenius | |
|---|---|
_-_Mauricio_Ant%C3%B3n.jpg) |
|
| Denominacions populars | |
|
|
|
| Estato de conservación | |
 Extincto (IUCN) |
|
|
|
Dende o Pleistocén dica l'Holoceno |
| Clasificación scientifica | |
|
|
Eukaryota |
|
|
Animalia |
|
|
Chordata |
|
|
Mammalia |
|
|
Proboscidea |
|
|
Elephantidae |
|
|
Mammuthus |
|
|
M. primigenius |
| Descripción | |
|
Blumenbach, 1799 |
|
O mamut lanuto (Mammuthus primigenius (Blumenbach, 1799)) estió una especie d'a familia Elephantidae que se distribuiba por as tundras d'Eurasia en a glaciación de Würm. Como atros mamifers grans que cazaba l'hombre en o Paleolitico Superior s'estinchió mientres a desglaciación, fácil que por sobrecazata en as suyas arias de refuchio. Manimenos sobrevivió més tiempo en a isla de Wrangel.
Contenius |
Descripción [editar]
Midiba 3 m d'altaria en a cruz. A suya piel yera cubierta por zerras con dica 1 de largura y de color castanya muito escura y que hue se veyen royencas. A piel teneba muitas glandulas sebacias que permitiban aumentar a impermeabilidat. Teneba reservas de seu en a cabeza y dencima d'a cruz fendo una chepa. As orellas yeran chicas en comparanza con o elefant africán. A trompa y as orellas yeran tamién cubiertas por pelo. A coda teneba una espansión en a base pa protecher a ubertura anal.
As defensas yeran més grans en os masclos que en as fembras, teneban una forma un poquet espiral ent'alto y afuera y encara podeban midir més de 4,5 m.
Distribución [editar]
O mamut lanuto amaneix a la fin d'a glaciación de Riss, a suya distribución se redució como ye natural en o periodo interglaciar Riss-Würm, pero se tornó a estender muito en a glaciación de Würm. Se podeba trobar dende o sud d'Espanya (a paúl d'el Padul (Granada) dica Escocia, y por l'este dica Siberia oriental. Cruzó Berinchia y s'estendilló tamién por Nordamerica.
Se crei que s'estinchió d'Europa fa bells 12.000 anyos y que persistió dica fa 10.000 en as peninsulas de Taimir y Ghydan (Siberia). En a isla de Wrangel se conoixen fósils dica os 3.700 anyos BP, y heban encomenzato a evolucionar enta o nanismo (as fembras midiban uns 1,8 metros d'altaria, qualquecosa menos que as formas continentals).
En l'aria pirenenca amanix en os sedimentos aluvials de Font-rubí, Vall de Bianya en Olot, Sant Vicenç dels Horts, río Congost amán de Granollers, Vallformosa, Arenys de Mar, Granada, Montgiscard, Tolosa, etc. en cambras y canyos karsticos d'Izturitze, Houaliech, Juncà, Lamarche, Sant Julià de Ramis, etc. u en atra clase de chacimientos como Gourdan, Pape, Olha 1, Gatzarria, Gerde, Coupe-Gorge, Harpons, Terté y Lherm. O zaguer mamut pirenenco conoixito ye d'o Magdaleniense meyo d'Izturitze, entre os 14.500 anyos BP y os 13.000 anyos BP.
Imáchens [editar]
-
Reconstrucción de l'aspecto d'un mamut adulto.
-
-
Cría momeficata de maniera natural.
-
Cranio d'un adulto.
-
Reconstrucción d'o escleto d'un adulto.
Se veiga tamién [editar]
- Mammuthus lamarmorae
- Mammuthus columbi
- Mammuthus imperator
- Mammuthus trogontherii
- Mammuthus meridionalis
Bibliografía [editar]
- Oscar Arribas: Fauna y paisaje en los Pirineos en la Era Glaciar. Lynx Ediciones. ISBN 978-84-87334-71-9
Vinclos externos [editar]
Se veigan as imáchens de Commons sobre o Mammuthus primigenius.
Biquiespecies tiene un articlo sobre Mammuthus primigenius.
