L'Almozara

L'Almozara
Districto de Zaragoza
L'Almozara en Zaragoza
Entidat  • País  • Ciudat	Districto Aragón Zaragoza
Subdivisions	L'Almozara, Torres de San Lamberto
Superficie  • Total	Posición 8 de 12 528,58 hectarias
Población  • Total	Posición 10 de 12 25.984 hab. (2008)
Nº distrito	7

L'Almozara ye un districto de Zaragoza (Aragón). Muga con os districtos de Delicias, Centro, Oliver-Valdefierro, Vicos Rurals Ueste, Casco Antigo y o río Ebro.

O districto amás d'o vico de l'Almozara incluye a Urbanización Torres de San Lamberto.

Historia

En o sieglo XI ya existiba en ista zona una huerta a mán d'o Palacio de l'Alchafaría, en a parti exterior d'a muralla d'a ciudat. En un texto de 1143 de l'Archivo de lo Pilar mencionan un termino de Almuzara.

En 1898 s'establió en o vico una interpresa t'a fabricación de acidos y fertilizants. Tamién s'establió una estación de mercaderías t'o tren.

Os primers habitants d'o vico treballaban en a fabrica. A plaza d'Europa ye un puesto d'intersección entre tres districtos. O puent de L'Almozara premite actualment a comunicación d'o vico con l'ACTUR. O primer puent en iste puesto yera un puent ferroviario que iba dende a estación d'o Portiello enta la Estación d'o Norte.

Mugas

Plan d'o districto

Seguntes os plans censals d'o Concello de Zaragoza as mugas d'o districto son:

• A lo norueste, con o districto de Vicos Rurals Ueste muga l'A-2.
• A lo noreste, o río Ebro en l'auguatuerta de Raniellas.
• A l'este, con o districto d'o Casco Antigo, mugan a Plaza d'Europa y o Paseyo de María Agustín.
• A l'ueste, con o districto Delicias mugan a parti trasera d'o Centro Comercial Augusta (dentro d'o districto Delicias), a frontera d'a Estación Delicias (dentro d'o districto Almozara), a carrera María Callas, y l'Avenita de Madrid, y con o districto Oliver-Val de Fierro muga la Autovía de Logroño.

Plaza d'Europa

Esporte

• O fútbol ye representato por o Club Deportivo Ebro.