Delicias (Zaragoza)

Delicias
Destrito de Zaragoza
Delicias en Zaragoza
Entidat  • País  • Ciudat	Destrito Aragón Zaragoza
Subdivisions	A Bombarda, A Bozada, Delicias, Ciudat Chardín, Monsalut y Parque Roma
Superficie  • Total	Posición 10 de 12 328,46 hectarias
Población  • Total	Posición 2 de 12 115.446 hab. (2008)
Nº distrito	3
Fiestas	Setiembre

As Delicias ye un destrito de Zaragoza (Aragón). Se divide en os vicos d'A Bombarda, A Bozada, Delicias, Monsalut y Parque Roma. Muga con os destritos de L'Almozara, Centro, Oliver-Val de Fierro y Universidat.

Ye o segundo destrito más poblato de Zaragoza y o destrito con mayor densidat de población (33.647,93 habitants/km²), d'os qualos un 9,26% son immigrants.

Servicios

Mugant con iste destrito, pero dentro de l'Almozara, se troba a gara de Zaragoza, inagurata en 2003 en o mesmo puesto a on yera l'antiga gara de Delicias (ista sí que yera aintro d'o destrito Delicias). Ha recibito o premio Brunel, o mas prestichioso premio d'arquitectura ferroviaria.

Gara de Delicias y Parque d'o Castiello Palomar

Bi ha dos parques, o Parque d'o Castiello Palomar en Monsalut y o Parque d'as Delicias en os terrens que ocupaba d'antis mas o Hespital Psiquiatrico.

Un d'os grans centros comercials de Zaragoza, o Centro Comercial Augusta se troba situato en este destrito, chunto a la gara, antiparti d'o Centro comercial que bi ha en a propia carrera de Delicias.

Historia

L'Avenita de Madrit ye una d'as carreras principals d'as Delicias

A historia d'o vico de Delicias data de comencipios d'o sieglo XX, encara que no estió reconoixito como vico dica as anyadas trenta.

O vico naixe t'acubillar l'aumento de población, mas que mas fainera, en tiempos d'a industrialización. A plegata d'o ferrocarril, a instalación d'o gas y a electrecidat propicioron a creyación de nuevas industrias y o cautivo de remolacha que creyoron treballo fendo creixer o vico. A meyatos de sieglo estió un vico on s'establiba chent provenient d'a provincia de Soria.

As primeras edificacions teneban un sinyalato caracter rural. Yeran viviendas d'una u dos altarias, con un espacio destinato a corral u huerto. O nuclio primitivo d'o barrio se situaba amán d'o palacio de l'Alchafaría. Ya en a decada d'os ueitanta se creyan en o vico mas zonas verdas y d'espardimiento. En os primers anyos d'o sieglo XXI, parte d'a población se'n va t'atros vicos, muitos d'ells ta Miralbueno, y o bueito de población ye plenato por población inmigrant de muitos orichens, destacando Delicias entre atros vicos con as mesmas cercustancias por a población d'orichen subsaharián.

Mugas

Plan d'o destrito

Seguntes os plans censals d'o Concello de Zaragoza as mugas d'o destrito son:

• A o norte, con o destrito de l'Almozara mugan a parti trasera d'o Centro Comercial Augusta (aintro d'o destrito Delicias), a frontera d'a Estación Delicias (aintro d'o destrito Almozara), a carrera Felisa Soteras, y l'Avenita de Madrit.
• A l'este, con os destritos d'o Casco Antigo y Centro mugan o Paseyo María Agustín y Avenita Anselmo Clavé.
• A o sud, con o destrito Universidat mugan l'Avenita de Valencia, a carrera Sant Chuan Bosco y l'Avenita Gómez Laguna.
• A l'ueste, con o destrito Oliver-Val de Fierro muga a Vía Hispanidat.

Fiestas

• Comencipios de setiembre