Acido

De Biquipedia
Ir ta: navego, busca
Articlo d'os 1000
Acido clorhidrico concentrato.

Un acido (d'o latín acidus) ye un compuesto quimico que presenta una serie de propiedatz que premiten reconoixer-lo. Robert Boyle y Antoine Laurent Lavoisier estioron os primers quimicos que detalloron as propiedatz d'os acidos, que son:

  • As disolucions aquosas d'os acidos tienen sabor agra, como por eixemplo lo vinagre u o suco de limón.
  • Os acidos presentan a propiedat de cambiar a color de colorants naturals. Por eixemplo, lo tornasol, una substancia que se quita d'os líquens, prene coloración royenca en disolucions d'acidos. Os colorants d'o mosto d'uga, o extracto de col lombarda, etc. tamién cambeyan de color en contacto con un acido.
  • Si un acido se mete en contacto con un carbonato, como por eixemplo lo carbonato de calcio, CaCO3, u o carbonato de sodio, Na2CO3, a disolución produce muitas bombollas, ye en efervescencia, debito a la liberación de dioxido de carbonio, CO2.
  • As disolucions aquosas d'os acidos reaccionan con muitos metals, como por eixemplo lo sen u o magnesio, producindo hidrochén que gorgolla a traviés d'a disolución.
  • Si os acidos reaccionan con alcalins se neutralizan as propiedatz d'os dos. Asinas si se fa reaccionar una disolución d'acido clorhidrico con una d'hidroxido de sodio, en as proporcions correctas, s'obtiene una disolución de cloruro de sodio.
  • En disolver-sen en augua, dan ions d'hidrochén H+.

Vinclos externos[editar | editar código]