James Clerk Maxwell

De Biquipedia

James Clerk Maxwell Naxito n'o: 13 de chunio de 1831 Naxito de: Edimburgo Muerto n'o: 5 de nobiembre de 1879 Muerto en: Cambridge Ocupazión: Matematico e fesico

James Clerk Maxwell (13 de chunio de 1831 – 5 de nobiembre de 1879) estió un matematico e fesico tiorico escozés. O suyo esito más important estió a formulazión d'un conchunto d'ecuazions eponimas —conoxitas como ecuazions de Maxwell— que por primera begata esprisaban as lais basicas d'a eletrezidat e o magnetismo d'una traza unificata. Tamién desembolicó a distribuzión de Maxwell, una estatistica que mira de describir aspeutos d'a tioría zinetica d'os gases. Istos dos descubrimientos contribuyioron á inaugurar a era d'a fesica moderna, asentando los fundamentos ta os futuros treballos en campos como a relatibidat espezial e a mecanica cuantica. Maxwell ye tamién conoxito por aber creyato a primera camara fotografica de colors combinatos en 1861, por meyo d'o sistema d'a sintesis aditiba.

A mayoría d'a ilustre carrera de Maxwell se desembolicó en a Unibersidat de Cambridge, á on que as suyas imbestigazions á sobent feban uso d'a suya aptitut matematica, emplegando elementos d'a cheometría e l'alchebra. Con istas destrezas, Maxwell fue capable de contrimostrar que os campos eletrico e magnetico biachan á trabiés d'o espazio en forma d'ondas e á la belozidat constant d'a luz. Finalment, en 1861 Maxwell escribió una publicazión dibidita en cuatre partis en o Philosophical Magazine dita "Sobre as linias fesicas de fuerza" ^[2] á on que proposó en primerías que a luz yera de feito ondulazions en o propio meyo, que ye a causa d'o fenomén eletrico e magnetico.

Maxwell ye considerato por muitos, más que más por aquellos que treballan en o campo d'a fesica, como lo zentifico d'o sieglo XIX que más enfluyió en a fesica d'o sieglo XX. Muitos consideran que as suyas aportazions á la fesica son d'a mesma magnitut que as d'Isaac Newton e Albert Einstein.^[3] En a encuesta d'o milenio, una encuesta que mira de fer una lista d'os 100 fesics más relebants d'a istoria, Maxwell fue botato como lo terzer fesico más gran de toz os tiempos, nomás dezaga de Newton e Einstein.^[4] En o zentenario d'o naximiento de Maxwell, o mesmo Einstein describió lo treballo de Maxwell como a obra "más prefunda e més profeitosa que a fesica ha esperimentato dende a epoca de Newton."^[5] Einstein teneba una fotografía de Maxwell en a paret d'o suyo estudeyo, á lo costato de fotografías de Michael Faraday e Newton.^[6]

[editar] Referenzias