Guerra de Vietnam

De Biquipedia
Ir ta: navego, busca
Articlo d'os 1000
Guerra de Vietnam
[[]]
Napalm.jpg
Esclatata d'una bomba de napalm
Información cheneral
Calendata: 1965-1975
Puesto: Vietnam/Laos/Cambocha
Resultato: Victoria de Vietnam d'o Norte. Redota d'a coalición y reunificación de Vietnam.
En conflicto
Flag of South Vietnam.svg Vietnam d'o Sud,
Flag of the United States.svg Estatos Unitos,
Flag of Thailand.svg Tailandia,
Flag of Australia.svg Australia,
Flag of South Korea.svg Coreya d'o Sud,
Flag of the Philippines.svg Filipinas,
Flag of New Zealand.svg Nueva Zelanda
Flag of Vietnam.svg Vietnam d'o Norte,
FNL Flag.svg Frent Nacional de Liberación de Vietnam,
Flag of the People's Republic of China.svg Republica Popular China,
Flag of North Korea.svg Coreya d'o Norte
Comandants
Flag of South Vietnam.svg Nguyễn Văn Thiệu
Flag of South Vietnam.svg Lam Quang Thi
Flag of South Vietnam.svg Nguyen Cao Ky
Flag of South Vietnam.svg Ngô Đình Diệm
Flag of South Vietnam.svg Ngo Quang Truong
Flag of the United States.svg Dwight D. Eisenhower
Flag of the United States.svg John F. Kennedy
Flag of the United States.svg Lyndon B. Johnson
Flag of the United States.svg Robert McNamara
Flag of the United States.svg William Westmoreland
Flag of the United States.svg Richard Nixon
Flag of the United States.svg Gerald Ford
Flag of the United States.svg Creighton Abrams
Flag of the United States.svg Frederick Weyand
Flag of the United States.svg Elmo Zumwalt
Flag of the United States.svg John Paul Vann
Flag of the United States.svg Robin Olds
Flag of South Korea.svg Park Chung Hee
Flag of Thailand.svg Thanom Kittikachorn
Flag of New Zealand.svg Harold Holt
Flag of New Zealand.svg Keith Holyoake
Flag of the Philippines.svg Ferdinand Marcos
Flag of Vietnam.svg Hồ Chí Minh
Flag of Vietnam.svg Lê Duẩn
Flag of Vietnam.svg Trường Chinh
Flag of Vietnam.svg Nguyễn Chí Thanh
Flag of Vietnam.svg Võ Nguyên Giáp
Flag of Vietnam.svg Phạm Hùng
Flag of Vietnam.svg Văn Tiến Dũng
FNL Flag.svg Flag of Vietnam.svg Trần Văn Trà
Flag of Vietnam.svg Lê Đức Thọ
Flag of Vietnam.svg Đồng Sỹ Nguyên
Flag of Vietnam.svg Lê Đức Anh
FNL Flag.svg Flag of Vietnam.svg Tran Do
Flag of Vietnam.svg Nguyen Van Toan
Flag of Vietnam.svg Le Trong Tan
Flag of Vietnam.svg Hoang Minh Thao
Flag of Vietnam.svg Nguyen Minh Chau
Flag of Vietnam.svg Tran The Mon
Flag of Vietnam.svg Chu Phong Doi
Flag of Vietnam.svg Truong Muc
FNL Flag.svg Vo Minh Triet
Flag of the People's Republic of China.svg Zhou Enlai
Flag of the Soviet Union.svg Leonid Brezhnev
Flag of the Soviet Union.svg Nikita Kruschev
Baixas
Flag of South Vietnam.svg 230.000 muertos,
300.000 feritos
Flag of the United States.svg 58.209 muertos,
153.303 feritos
Flag of South Korea.svg 5.000 muertos,
11.000 feritos
Flag of Australia.svg 520 muertos,
2.398 feritos
Flag of Vietnam.svg FNL Flag.svg 600.000 muertos,
600.000 feritos
Flag of the People's Republic of China.svg 1.100 muertos,
4.200 feritos
Guerra de Vietnam
Operación Ranch HandBatalla d'Ap BacIncident d'o golfo de TonkinGuerra civil de LaosOperación Rolling ThunderBatalla de la DrangOfensiva d'o TetBatalla de Lang VeiBatalla de Khe SanhBatalla de HueBatalla de SaigónGuerra Civil de CambochaBatalla de Igloo WhiteBatalla d'Hamburger HillBatalla de Son TayBatalla d'as islas ParacelsoCampanya Hô-Chi-MinhBatalla de Xuan LocBatalla de Truong SaCayita de SaigónIncident d'o Mayagüez

A guerra de Vietnam, dita tamién Segunda Guerra d'Indochina, estió una guerra u conflicto belico que enfrentó entre 1958 e 1975 a os estatos de Vietnam d'o Sud y Vietnam d'o Norte, refirmatos por os suyos respectivos aliatos y especialment, os Estatos Unitos, que aduyoron dreitament a os sud-vietnamitas dica la suya retirata en 1973, en o contexto cheneral d'a Guerra Fría. Mientres ista guerra se desembolicoron paralelament y independient a guerra civil de Laos y a guerra civil de Cambocha, anque ista dos guerras tenioron una ampla relación con a guerra de Vietnam, recibindo-ne influencias dreitas en o suyo desembolique y en a suya traza de rematar. Os estaotunitenses intervinioron tamién en istas dos guerras, considerando-las nomás que una simpla extensión d'a Guerra de Vietnam.

A guerra prencipió quan Ngô Đình Diệm, aliato d'os Estatos Unitos, qui heba conquerito o poder en Vietnam d'o Sud dimpués d'un golpe d'estato con aduya estatounitense, derrocó a monarquía de Bảo Đại y proclamó a Republica, negando-se a cumplir os Alcuerdos de Chinevra que recullían a celebración d'unas eleccions libres ta reunificar Vietnam. En ixas condicions, Vietnam d'o Norte atacó, encara que no con una guerra ubierta, so que presentando a necesidat de reunificar o país y d'aduyar a la población sublevata en o sud seguntes a crida d'o Frent Nacional de Liberación de Vietnam. Os estatounitenses, afirmando que a suya intervención yera ta impedir l'estendillamiento d'o comunismo en Asia, prencipioron por ninviar a los sudvietnamitas aduya melitar en forma d'armas y diners, ta enamplar mica en mica a suya intervención en a guerra, dica plegar a un guerra ubierta con intervención de mas de 550.000 soldatos mientres a presidencia de Lyndon Baines Johnson.

En ista guerra, un d'as suyas prencipals caracteristicas estió que, en estar una guerra de guerrillas, no existioron os tradicionals frents delimitatos a on as tropas luitaban, sino que se basó en a presencia de bases melitars d'o Exercito estatounitense dende a qualas as suyas tropas prebaban de controlar os territorios d'arredol, y en l'emplego de tacticas de guerrilla por os nord-vietnamitas ta controlar as rotas de comunicación norte-sud a traviés d'a selva tropical y mantener a suya capacidat de luita. Antiparte, os guerrillers nord-vietnamitas tamién facioron servir accions de sabotache en a retaguardia estatounitense, atacando a os suyos soldatos en as grans ciudatz. En emplegar-ne ixas tacticas totz dos bandos, estió una guerra con gran proporción de baixas entre a población civil, que amás habió de sufrir os resultatos y conseqüencias d'as armas quimicas que fació servir l'Exercito estatounitense, como o conoixito achent narancha, un defoliant quimico con o que miraban de fer que os árbols perdesen as suyas fuellas y facilitar asinas a luita contra as guerrillas, y que provocó muitos casos de cáncer y atras malautías, mesmo dimpués de rematar a guerra. Muitas d'as tierras de cautivo d'o país fuoron afectatas por a contaminación producita por a guerra quimica.

Tamién estió una guerra amplament cubierta por os medios de comunicación, estando asinas a primera guerra a on se feban emisions en dreito d'as accions de guerra, feito que tenió muita importancia en a opinión publica estatounitense, chenerando en a sociedat d'ixe país un activo movimiento pacifista contrario a la partecipación estatounitense en a guerra, dica que en 1973 as tropas estatounitenses rematoron a suya partecipación dreita en as accions melitars, fendo asinas que en 1975 s'esboldregase o rechimen de Vietnam d'o Sud. Istos feitos provocoron una funda impresión en a sociedat estatounitense, estando uno d'os motivos de que o país se replegase enta sí mesmo, reducindo en as siguients anyadas a suya intervención melitar en o exterior d'o país.

Antecedents[editar | editar código]

Gnome-searchtool.svg
Ta más detalles, veyer l'articlo Guerra d'Indochinaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Dimpués de fracasar as prebatinas de Francia ta reconquerir Vietnam dimpués d'a suya redota en a batalla de Điện Biên Phủ o 7 de mayo de 1954, Francia sinyó os ditos Alcuerdos de Chinevra o 20 de chulio de 1954, seguntes os qualos Vietnam quedaba trestallato en dos países, Vietnam d'o Norte, baixo o control d'o rechimen comunista establito por Ho Chi Minh con un sistema politico republicán, y Vietnam d'o Sud, con rechimen capitalista dirichito por Bảo Đại con un rechimen monarquico, amás d'una zona desmilitarizata en a muga entre os dos países, que quedaba fixata en o paralelo 17. Tamién se recullía en iste tractato internacional a celebración d'unas futuras eleccions libres ta reunificar o país.

Sindembargo, en agosto de 1955 Ngô Dinh Diêm, qui dica ixe inte yera o primer menistro de Bảo Đại, organizó con l'aduya d'Estatos Unitos un golpe d'estato que deponió a Bảo Đại, proclamó a Republica y establió un rechimen d'ideyolochía nacionalista y anticomunista que no acceptaba os Alcuerdos de Chinevra, incluyindo-ie as eleccions ta reunificar o país.

En ixas condicions, os dirichents de Vietnam d'o Norte creyeron que yera una buena oportunidat ta organizar una sublevación en o sud, derrocar a o gubierno nacionalista de Diem y reunificar o país por a fuerza d'as armas, considerando a suya acción una simpla continación d'a Guerra d'Indochina. Ta ixo, reactivoron en 1957 a os guerrillers que heban feito parte d'a resistencia contra Francia y que viviban en o sud, y ninvioron suministros, equipe melitar, armas y quadros politicos y melitars enta o sud por medio d'una rota que trescruzaba a selva tropical d'o país dende o norte enta o sud, a dita Rota Ho Chi Minh, en honor de Ho Chi Minh, l'historico líder d'a luita por a independencia contra os franceses. Teneban tamién l'aduya lochistica d'a China de Mao Zedong y d'a Unión Sovietica de Leonid Brezhnev, que consideraban ista luita en o marco d'a Guerra Fría como un medio de socavar a influencia d'os Estatos Unitos en a redolada.

Vinclos externos[editar | editar código]