Guerra

De Biquipedia
Ir ta: navego, busca
Articlo d'os 1000

A guerra ye o enfrentamiento entre países, u atras organizacions armatas, con l'uso de violencia y d'armas. Encara que dende sempre bi ha habito enfrentamientos entre os humans (tamién en as tribus prehistoricas), a guerra oficialment considerata como tal, con a participación d'exercitos, prencipia como si mesma en os primers imperios orientals, que ya emplegaban caballería y armamento elaborato.

A guerra ha estato muitas vegatas a causa d'a muerte de mils de sers humans, de muitas malautías, d'a pestilencia, a fambre, y d'atros mals.

Quan a guerra se fa en contra d'as leis internacionals, se puet charrar de crimen de guerra; de totas trazas a guerra ye siempre una actividat cruel y despiadata.

A vegatas, se fa la distinción entre conflictos armatos y guerras. D'alcuerdo con iste punto de gollata, un conflicto nomás sería una guerra si os belicherants han feito una declaración formal de guerra.

En o curso d'a historia, bi ha habito guerras por o control d'os recursos naturals, por razons relichiosas u culturals, por mantener u cambear balanzas de poder, por qüestions de legalidat, ta eslindar pleitos economicos u territorials, u por atras causas. A sobén, as razons que levan a la guerra entre dos estatos son complexas, pero cheneralment tien una important influencia o factor economico.

Melitarment, l'obchectivo en a guerra ye a victoria sobre o enemigo. Por ixo, cal establir una superioridat armamentistica y humana, que obligue a lo contrario a reblar u a proposar un armisticio. A practica totalidat de guerras causan gran numero de victimas, no nomás entre os combatients, sino tamién en a población civil. Amás, as guerras tamién producen graves violacions d'os dreitos humans. Encara que s'han establito convenios internacionals ta limitar a mortalidat causata en as guerras, y guaranciar un tracto digno a los prisioners, istas convencions s'ignoran muito a sobén en a practica.

A diferencia entre a guerra en apariencia y a guerra en a practica se basa en que as partis en conflicto miran de mantener una imachen d'honor y lechitimidat d'a suya causa, mientres practican una sistematica transgresión de tota norma de respeto humán. A guerra parte d'a visión más extrema de que a fin chustifica os medios.

Bibliografía[editar | editar código]

  • Kelly, Raymond Case (2000). Warless societies and the origin of war (en anglés). University of Michigan Press. Consultato lo 5 de febrero de 2012. ISBN 978-0-472-06738-1.
  • Livingstone Smith, David (2007). The Most Dangerous Animal: Human Nature and the Origins of War ,. St. Martin's Press. ISBN.
  • Small, Melvin & Singer, David J. (1982). Resort to Arms: International and Civil Wars,. Sage Publications. ISBN.

Se veiga tamién[editar | editar código]

Vinclos externos[editar | editar código]