William Westmoreland

De Biquipedia
Ir ta: navego, busca
William Childs Westmoreland
26 de marzo de 1914 - 18 de chulio de 2005
Gen William C Westmoreland.jpg
O cheneral William Westmoreland en una imachen oficial como Chefe d'o Estato Mayor d'o Exercito estatounitense.
Información personal
Embotada
Puesto de naixencia Flag of the United States.svg Saxon (Carolina d'o Sud)
Puesto de muerte Flag of the United States.svg Charleston (Carolina d'o Sud)
Información melitar
Leyaltat Flag of the United States.svg Exercito estatounitense
Anyos de servicio 1936-1972
Rango Cheneral
Mandos 504º Rechimiento d'Infantería
187º Rechimiento d'Infantería
XVIII Cuerpo d'Exercito aerotransportato
Military Assistance Command, Vietnam
Chefe d'o Estato Mayor d'o Exercito estatounitense.
Unidat
Batallas/guerras Segunda Guerra Mundial
Operación Torch
Operación Husky
Batalla d'as Ardenas
Guerra de Coreya
Guerra de Vietnam
Premios 3 Distinguished Service Medal
3 Legion of Merit
2 Bronze Star Medal
10 Air Medal
Atras funcions

William Childs Westmoreland, naixito o 26 de marzo de 1914 en Saxon (condato de Spartanburg en Carolina d'o Sud, Estatos Unitos) y muerto o 18 de chulio de 2005 en Charleston (Carolina d'o Sud), estió un melitar estatounitense que plegó dica o ran de cheneral d'o Exercito estatounitense. A suya fama provién d'estar o comandant en cabo d'as operacions melitars estatounitenses mientres a Guerra de Vietnam dende 1964 dica 1968.

Estudeyos y Segunda Guerra Mundial[editar | editar código]

William Westmoreland estudeó en l'Academia melitar de West Point, partecipando en a Segunda Guerra Mundial, a o estió en as campanyas d'a Operación Torch, d'o desembarco en Secilia, de Francia (Batalla d'as Ardenas en Bastogne dende aviento de 1944 dica chinero de 1945) y d'Alemanya, dica rematar a suya intervención en a guerra plegando a o ran de coronel.

Guerra de Vietnam[editar | editar código]

O cheneral Westmoreland con o Secretario d'Esfensa d'Estatos Unitos, Robert S. McNamara, mientres una vesita d'iste zaguero a Vietnam en 1965.

En 1964 o president Lyndon Johnson ninvió a Westmoreland a Vietnam, quan os Estados Unidos i teneban 16.000 «consellers melitars» aduyando a Vientnam d'o Sud, y Westmoreland fue recibito como o comandant que podeba redotar a Vietnam d'o Norte y imponer a democracia en a redolada. Dimpués d'ixo, Westmoreland mandaba una tropa formata por más de meyo millón de soldatos.

Sindembargo, mandatos por Westmoreland, as tropas d'os Estados Unidos «vencioron en cada batalla dica perder a guerra». O momento que marcó a involución d'a guerra estió a ofensiva d'o Têt en 1968, quan as tropas comunistas atacoron ciudatz y lugars estendillatos por tot Vietnam d'o Sud. As tropas d'o Exercito estatounitense y d'o Exercito sudvietnamita repelioron os ataques, y as tropas d'o Exercito norvietnamita y d'o Viet Cong sufrioron importants perdugas. Sindembargo, os ataques furos, retransmititos en directo por a televisión a os ciudadans estatounitenses creboron a confianza que a opinión publica estatounitense podría tener en as opinions favorables de Westmoreland sobre o futuro d'a guerra. Un debate politico y a opinión publica feban empenta a l'administración d'o president Johnson ta disminuir o ritmo de creixencia d'o ninvío de tropas estatounitenses a Vietnam u mesmo ta prencipiar a retiradas d'as tropas que i yeran desplegatas.

Asinas, clamoron a Westmoreland a Estatos Unitos ta que marchase de Vietnam y lo nombroron Chefe d'Estato Mayor d'o Exercito estatounitense dende 1968 dica 1972.

Retirato d'o Exercito en 1972, Westmoreland morió en chulio de 2005 en un asilo, con 91 anyadas.

O presonache[editar | editar código]

O cheneral William Westmoreland en Vietnam.

A carrera melitar de Westmoreland se fació con presidents republicans u con democratas, y en tenió leyaltat enta unos u enta atros.

Sindembargo, as opinions sobre a suya actuación mientres a Guerra de Vietnam son muit controvertitas. As tropas estatounitenses en Vietnam plegoron dica meyo millón de soldatos, dende una zifra de nomás 15.000 que bi heba quan Westmoreland hi plegó a o país. Ye asinas uno d'os responsables d'a escalada de medios en a guerra y de muertos y atras victimas (en os dos bandos en conflicto).

Deciba: «He parato cuenta de no dentrar en a politica. Yo yera un soldado y feba una misión ordenata por o comandant en chefe, que yera o president d'os Estatos Unitos».

William Westmoreland mai no renegó d'a suya actuación mientres a Guerra d'o Vietnam, incluyindo-ie tirar bombas de napalm en os campos vietnamitas ta fer que os «sublevatos» comunistas albandonasen o territorio. Deciba que a guerra de Vietnam no estió denguna error estatounitense y que a Historia reconoixería a chustificación d'os millons de muertos que heba feito a intervención melitar estatounitense en ixe país.

«No ye que haigamos perdito melitarment a guerra. Ye nomás que, como nación, no hemos feito garra cosa ta millorar o nuestro compromis en Vietnam d'o Sud».

Vinclos externos[editar | editar código]