Good bye, Lenin!

De Biquipedia
Good bye, Lenin!
Ficha tecnica
Dirección Wolfgang Becker
Producción Stefan Arndt
Guión Wolfgang Becker
Bernd Lichtenberg
Musica Yann Tiersen
Claire Pichet
Fotografía Martin Kukula
Montache Peter R. Adam
Actors Daniel Brühl
Katrin Sass
Maria Simon
Chulpan Khamatova
Florian Lukas
Alexander Veyer
Datos y cifras
País(es) Alemanya
Anyo 2003
Debantadera 9 de febrero de 2003 Festival Internacional de Cine de Berlín (Berlín, Alemanya)[1]
13 de febrero de 2003 Alemanya[1]
Chenero(s) Comedia dramatica
Durada 121 min.
Idioma(s) Alemán
Companyías
Productora(s) X-Filme Creative Pool
Distribución Sony Pictures Classics
Presupuesto 4.800.000 euros

Good Bye, Lenin! (títol orichinal en anglés en Alemanya y enguerada con ixe mesto títol en Aragón) ye una cinta alemana de l'anyo 2003, dirichida por Wolfgang Becker, y o suyo elenco d'actors incluye a Daniel Brühl, Katrin Sass, Chulpan Khamatova, y Maria Simón. A dirección de fotografía d'a cinta ye de Martin Kukula, a suya banda sonora orichinal de Yann Tiersen y Claire Pichet y la suya producción cinematografica ye al cudiau de Stefan Arndt ta la productora cinematografica X-Filme Creative Pool¡¡.

A gran parti d'as escenas fuón presas en a Karl-Marx-Allee en a ciudat alemana de Berlín y arredol d'as Plattenbauten (edificios similars a los bloques impersonals construyius en Aragón mientres o franquismo) amán de l'Alexanderplatz.

Sinopsi[editar | modificar o codigo]

Octubre de 1989 no yera o millor inte ta dentrar en coma vivindo en Republica Democratica Alemana, y ixo ye chusto lo que le pasa a la mai d'Alexander Kerner (Daniel Brühl), Christiane, una muller orgüellosa d'as suyas ideyas socialistas y dirichent d'o Sozialistische Einheitspartei Deutschlands (Partiu Socialista Unificau) entregada a la politica dimpues d'a marcha d'o suyo hombre enta l'Alemanya Occidental, que tresbate l'esmo en veyer a lo suyo fillo ficau en disturbios a radiz d'una manifestación en contra d'Erich Honecker, con a policía de l'estau que tanto almira. Alex se veye enrolau en una complicada situación cuan a suya mai sale d'o coma ueito meses dimpués. Garra atra cosa podría afectar tanto a la suya mai como a cayida d'o Muro de Berlín y a victoria d'o capitalismo en a suya quiesta Alemanya Oriental, y ya advertiu por o medico de deixar-la reposar y sin grans disgustos, ta evitar una posible recayida, ocultará a la suya mai que o muro de Berlín ha cayiu mientres que ella yera malauta. Ta ixo, monta una serie de falsos telediarios, con aduya d'o suyo amigo Denis, en os que escribirá la suya propia historia d'o país.

Por ixo, ta salvar a la suya mai, Alex converte o piso familiar en una isla anclada en o pasau, una mena de zaguer bastión d'o socialismo en o que la suya mai vive creyendo que brenca no ha cambeau. O que prencipia como una mentira piadosa se transforma en una gran estafa cuan a chirmana d'Alex y bels vecins s'encargan de mantener a farsa ta que a mai d'Alex contine creyendo que brenca no heba cambeau. Una d'ellas ye Lara, una enfermera sovietica que Alex conquista mientres o coma d'a suya mai. Finalment muere sabendo por Lara, en una d'as escenas antes de veyer o zaguer telediario que ha parau o suyo fillo, que Alemania ye agora un solo país y que o muro ye estau ubierto.

Paralela a la pelicula, tamien se planteya a busca d'o pai d'Alex.

Curiosidaz[editar | modificar o codigo]

Errors[editar | modificar o codigo]

  • Cuan Alex coloca en viellos embalaches d'a RDA os nuevos productos de birolla que han prencipiato a vender-se en Berlín oriental, se veye un paquet de Jacobs Kaffee. O logo d'o paquet no ye o logotipo d'ixas envueltas sino una versión mas nueva de l'anyo 2000.
  • Cuan os instaladors d'antenas parabolicas se miran un partiu de fútbol ta comprebar o funcionamiento de l'antena, a imachen corresponde a l'Eurocopa de 1996, mientres que a escena ye de 1990.
  • Un d'os sinyals alemans que se veyen en a celebración d'a victoria de l'equipo alemán en o Mundial ye d'una decada dimpues d'a Reunificación.
  • En una vesita d'Alex a un supermercau dimpués d'a Reunificación d'Alemanya, una treballadora ye etiquetando latas de Pepsi con un disenyo que no s'adoptaría dica bels anyos dimpués, bien dentraus os anyos 1990.
  • Cuan Denis l'amuestra a Alexander a cinta d'un casorio, aquel leva mesa una camiseta con motivos (plevia dichital) de The Matrix, un filme enguerau en 1999.

Premios[editar | modificar o codigo]

Se veiga tamién[editar | modificar o codigo]

Referencias[editar | modificar o codigo]

Vinclos externos[editar | modificar o codigo]


Predecesor:
Små ulykker, d'Annette K. Olesen
Premio Ánchel Azul a la Millor Cinta Europea
2003
Succesor:
Om jag vänder mig on, de Björn Runge
Predecesor:
Hable con ella, de Pedro Almodóvar
Premios d'o Cine Europeu a la Millor Cinta
2003
Succesor:
Gegen die Wand, de Fatih Akin
Predecesor:
Hable con ella (Pedro Almodóvar)
Premios d'o Cine Europeu a o Millor Guionista
2003
Succesor:
Comme une image (Agnès Jaoui y Jean-Pierre Bacri)
Predecesor:
Hable con ella (Pedro Almodóvar)
Premios d'o Cine Europeu: Premio Jameson d'o Publico a o Millor Director Europeu
2003
Succesor:
Gegen die Wand (Fatih Akin)
Predecesor:
Hable con ella (Javier Cámara)
Premios d'o Cine Europeu: Premio Jameson d'o Publico a o Millor Actor Europeu
2003
Succesor:
Was nützt die Liebe in Gedanken (Daniel Brühl)
Predecesor:
Iris (Kate Winslet)
Premios d'o Cine Europeu: Premio Jameson d'o Publico a la Millor Actriz Europea
2003
Succesor:
Non ti muovere (Penélope Cruz)