Gilberto Gil

De Biquipedia
Ir ta: navego, busca
Gilberto Gil
Brazil.GilbertoGil.01.jpg
Información personal
Nombre Gilberto Passos Gil Moreira
Embotada {{{Alias}}}
Naixió 26 de chunio de 1942, Salvador, Brasil Flag of Brazil.svg
Murió {{{Muerte}}}
Información musical
Orichen {{{Orichen}}}
Ocupancia {{{Ocupanzia}}}
Instrumentos {{{Estrumento}}}
Tiempo {{{Tiempo}}}
Discograficas {{{Discografica}}}
Relacionato con {{{Artistas_relacionatos}}}
Pachina web Pachina Oficial

Gilberto Passos Gil Moreira (más conoixiu como Gilberto Gil) naixió o 26 de chunio de l'anyo 1942 en Salvador, Bahía, Brasil. Ye cantaire, compositor, y dende 2003 ye o Menistro de Cultura de Brasil. Gil ye conoixiu prencipalment por as suyas gravacions feitas en os anyos 1960, en a fase d'o tropicalismo, con cantas como Roda, Lunik 9, y Domingo no Parque. A cantaire brasilera Elis Regina gravó muitas d'as suyas cantas.

Biografía[editar | editar código]

Escomenzó a suya carrera como musico de bossa-nova, pero de camín prencipió a componer musica que reflectaba una procupación politica y conteniu social, chunto con o suyo companyero Caetano Veloso. En os anyos 1970, Gil i adhibió nuevos elementos, provenients d'a musica d'Africa y d'os Estaus Unius, publicando álbums como Realce y Refazenda. João Gilberto gravó a canta Eu vim da Bahía "(Yo benié de Bahía)", en o suyo clasico disco João Gilberto.

En 1969, o rechimen melitar brasilero que prenió o poder dimpués de 1964 consideró que Gil y Caetano Veloso yeran «subversivos», y los arrestoron y engarcholoron. Malas que fuoron liberaus, os dos fixoron a suya residencia en Londres. Gil prencipió a tocar con collas como Yes, Pink Floyd y a Incredible String Band, entre que continaba a suya carrera como cantaire solista. En os anyos 1970 fizo una chira por os Estaus Unius y gravó un álbum en anglés. Treballó con Jimmy Cliff y publicó en 1980 una versión en portugués de No woman, no cry, de Bob Marley (en portugués, «Não chores mais»), que fue o primer exito con ritmo reggae gravau en Brasil en portugués.

Continó gravando discos, fendo conciertos y embrecando-se en quantas causas socials, plegando en os anyos 1990 a ser esleito concellero en Salvador (Brasil), a suya ciudat de naixencia. En 1993 gravó Tropicália 2, con a participación de Caetano Veloso. Este disco incluye una versión d'a canta "Wait Until Tomorrow" de Jimi Hendrix y ye considerau uno d'os suyos millors treballos dende a fin d'os anyos 60.

Quan Luís Ignácio Lula da Silva plegó t'a presidencia de Brasil, en chinero de 2003, esliyó a Gilberto Gil ta estar Menistro de Cultura en o suyo gubierno.

Gilberto Gil ye miembro d'o Partido Verde brasilense. Ye conoixiu por a suya esfensa d'o software libre y, por extensión, d'a cultura libre.

Vinclos externos[editar | editar código]

Commons-logo.svg
Se veigan as imáchens de Commons sobre Gilberto Gil.