Musico

De Biquipedia
Ir ta: navego, busca
Musico tocando o vriolín en a carrera.

Un musico (u localment mosico) u musicaire (localment, mosicaire) ye una presona que sape componer u executa piezas musicals. En o caso de que componga piezas charramos d'un compositor, mientres que qui executa puet estar un cantaire, instrumentalista u tanyedor (como vriolinista y gaiters, per eixemplo), directors d'orquesta, etc. Tamién ye un musico qui fa adrezos musicals. En a musica popular asobén son muito presents os cantautors, que componen y interpretan cantas.

Etimolochía[editar | editar código]

A parola "musico" ye un derivau de "musica", un helenismo amprau por o idioma latín, que tien relación con as parolas musa y museu. Plega a las luengas romances como un cultismo, d'astí que conserve o fonema /k/ en -ico sin sonorizar en -igo. Manimenos en aragonés no conserva a pronunciación esdrúixula latina. A forma musicaire ye una derivación de "musica" con o sufixo -aire indicador d'oficio.

En aragonés medieval s'escribe quasi siempre musico, asinas lo veyemos en as traduccions heredianas:

Et uiniero(n) e(n)cara dictados & mod(u)latio(n)es & i(n)strume(n)tos musicos & ho(m)b(r)es bie(n) ca(n)ta(n)tes. Et los godos fuero(n) fechos e(n) aq(ue)l t(iem)po mas piadosos & mas humanos & p(ar)tiero(n) se por (com)panyas.[1]

Tamién veyemos escrito musico a fins d'o sieglo XV en Zaragoza[2], en os zaguers textos en aragonés:

Item a XVIIII d'agosto die a los ministreles musicos del senyor principe que stubieron en la representacion de la Puerta Cinecha (1492)
Item el dicho dia die a los quatro musicos que baxaron con La Fe (1492)

Referencias[editar | editar código]

  1. Grant Cronica d'Espanya
  2. Cisneros Coarasa, Javier Actos Comunes de los Jurados, Capítulo y Consejo de la Ciudad de Zaragoza (1440-1496). Recopilación y transcripción Institución Fernando el Católico 1986 [1]