Gilberto Gil

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Gilberto Gil
Información personal
Nombre	Gilberto Passos Gil Moreira
Embotada	{{{Alias}}}
Naixió	26 de chunio de 1942, Salvador, Brasil
Murió	{{{Muerte}}}
Información musical
Orichen	{{{Orichen}}}
Estilo	Musica popular de Brasil
Ocupancia	{{{Ocupancia}}}
Instrumentos	{{{Instrumento}}}
Tiempo	{{{Tiempo}}}
Discograficas	{{{Discografica}}}
Relacionau con	{{{Artistas_relacionaus}}}
Pachina web	Pachina Oficial

Gilberto Passos Gil Moreira (mas conoixiu como Gilberto Gil) naixió o 26 de chunio de l'anyo 1942 en Salvador, Bahía, Brasil. Ye cantaire, compositor, y dende 2003 ye o ministro de Cultura de Brasil. Gil ye conoixiu prencipalment por as suyas gravacions feitas en os anyos 1960, en a fase d'o tropicalismo, con cancions como Roda, Lunik 9, y Domingo no Parque. A cantaire brasilera Elis Regina gravó muitas d'as suyas cancions.

Biografía

Escomenzó a suya carrera como musico de bossa-nova, pero de camín prencipió a componer musica que reflectaba una procupación politica y conteniu social, chunto con o suyo companyero Caetano Veloso. En os anyos 1970, Gil i adhibió nuevos elementos, provenients d'a musica d'Africa y d'os Estaus Unius, publicando discos como Realce y Refazenda. João Gilberto gravó a canción Eu vim da Bahía "(Yo benié de Bahía)", en o suyo clasico disco João Gilberto.

En 1969, o rechimen militar brasilero que prenió o poder dimpués de 1964 consideró que Gil y Caetano Veloso yeran «subversivos», y los arrestoron y engarcholoron. Malas que fuoron liberaus, os dos fixoron a suya residencia en Londres. Gil prencipió a tocar con collas como Yes, Pink Floyd y a Incredible String Band, entre que continaba a suya carrera como cantaire solista. En os anyos 1970 fizo una chira por os Estaus Unius y gravó un disco en anglés. Treballó con Jimmy Cliff y publicó en 1980 una versión en portugués de No woman, no cry, de Bob Marley (en portugués, «Não chores mais»), que fue o primer exito con ritmo reggae gravau en Brasil en portugués.

Continó gravando discos, fendo conciertos y embrecando-se en cuantas causas socials, plegando en os anyos 1990 a ser esleito concellero en Salvador (Brasil), a suya ciudat de naixencia. En 1993 gravó Tropicália 2, con a participación de Caetano Veloso. Este disco incluye una versión d'a canción "Wait Until Tomorrow" de Jimi Hendrix y ye considerau uno d'os suyos millors treballos dende a fin d'os anyos 60.

Cuan Luís Ignácio Lula da Silva plegó t'a presidencia de Brasil, en chinero de 2003, esliyó a Gilberto Gil ta estar ministro de Cultura en o suyo gubierno.

Gilberto Gil ye miembro d'o Partido Verde brasilense. Ye conoixiu por a suya esfensa d'o software libre y, por extensión, d'a cultura libre.

Vinclos externos

• Se veigan as imáchens de Commons sobre Gilberto Gil.

• (pt) (en) sitio web oficial de Gilberto Gil

• Datos: Q221479
• Multimedia: Gilberto Gil / Q221479