George Nathan
De Biquipedia
 |
|
| George Nathan | |
|---|---|
| Puesto de naxenzia |  Irlanda |
| Puesto de defunzión | Guadarrama (Madrid) (Batalla de Brunete) |
| Mandos | Batallón Lincoln Batallón Washington Batallón Britanico XV Brigata Internazional |
| Batallas/guerras | Primera Guerra Mundial Guerra d'Independenzia Britanica Guerra Zebil española Batalla de Brunete |
George Montague Nathan, naxito en Irlanda en 1895 y muerto en a batalla de Brunete o 16 de chulio de 1937, estió un politico y melitar irlandés, militante d'o IRA (Exerzito Republicano Irlandés y boluntario en o Exerzito britanico en a Primera Guerra Mundial y boluntario tamién en a Guerra Zebil española en as Brigatas Internazionals en defensa d'a Segunda Republica Española. Estió miembro d'o Estato Mayor d'a XV Brigata Internazional.
Contenius |
[editar] Primera Guerra Mundial
En a Primera Guerra Mundial, George Nathan estió boluntario en o Exerzito britanico, combatiendo en o Frente Ozidental, y estando aszendito ta sarchento mayor. Estió destinguito o 9 d'abril de 1917[1] como o unico ofizial chodigo en a Brigata d'a Guardia.[2]
[editar] Guerra d'Independenzia d'Irlanda
Entre 1918 y 1936, as suyas actividats en a Guerra d'Independenzia d'Irlanda son poco conoxitas. Richard Bennet afirma que estió miembro d'o servizio secreto britanico mientras treballaba encubiertament ta l'Exerzito Republicano Irlandés (IRA), y que estió o responsable d'os asesinatos d'o toque de queda en Limerick en tanto que miembro d'o Regimiento d'os Black and Tans.[3] En cualquier caso, sí ye conoxita a suya militancia en l'IRA.
[editar] Guerra Zebil Española
L'agüerro de 1936 s'enroló como boluntario en as Brigatas Internazionals en a Guerra Zebil española, tomando o mando d'a Compañía britanica en a XIV Brigata Internazional (clamata la Marsellaise por a suya composizión mayoritaria de franzeses).[4] Estió nombrato comandante d'o batallón dimpués d'o fusilamiento de Gaston Delasalle acusato d'espionache.[5]
Dimpués mandó o Batallón Lincoln, o Batallón Washington y o Batallón Britanico en a XV Brigata Internazional. O suyo balor en combate estió lechendario; enbiaba á os suyos ombres ta l'ataque mientras les dezía Entabán, siñoras, ta esperonar-los.
A suya solizitud de militanzia en o Partito Comunista estió desestimada, fuese por a suya orientazión secsual,[6] fuese por a suya tibieza ideolochica.[7] No obstante, os obserbadors d'a Komintern admiraban a suya fría arroganzia ante o fuego enemigo.[7]
Dimpués estió o jefe d'Estato Mayor d'a XV Brigata Internazional, y estió mortalment ferito en a batalla de Brunete o 16 de chulio de 1937.[8] Se fezió portar ta un campo d'olibos y pidió a os suyos soldatos que cantasen mientras moría, en Guadarrama (Madrid.
[editar] Bibliografía
- (en) Antony Beevor, Battle for Spain, (2007).
- (en) Richard Bennett, "Portrait of a Killer", New Statesman, 24 de marzo de 1961.
- (en) Cecil Eby, Comrades and Commissars, (2007).
- (en) Jason Gurney, Crusade in Spain, (1974).
- (en) Joe Monks, With the Reds in Andalusia, 1985.
- (en) Hugh Thomas, The Spanish Civil War, (2003).
[editar] Enrastres esternos
[editar] Notas y referenzias
- ↑ Joe Monks, With the Reds in Andalusia, 1985.
- ↑ Hugh Thomas, The Spanish Civil War, (1961) 1ª ed., pachina 347.
- ↑ Richard Bennett, "Portrait of a Killer", New Statesman, 24 de marzo de 1961, pachinas 471-472.
- ↑ Hugh Thomas, The Spanish Civil War, (2003) pachina 475.
- ↑ Hugh Thomas, The Spanish Civil War, (2003) pàg. 477.
- ↑ Cecil Eby, Comrades and Commissars, (2007) pachina 202.
- ↑ 7,0 7,1 Jason Gurney, Crusade in Spain, (1974) pachina 132.
- ↑ Antony Beevor, Battle for Spain, (2007) pachina 280.
