Gaspar Sanz
| Gaspar Sanz | ||
|---|---|---|
| Información personal | ||
| Nombre | {{{Nombre_de_naximiento}}} | |
| Embotada | {{{Alias}}} | |
| Naixió | 4 d'abril de 1640,  Calanda |
|
| Murió | 1710,  Madrit |
|
| Información mosical | ||
| Orichen | ||
| Estilo | Mosica clasica | |
| Ocupancia | {{{Ocupanzia}}} | |
| Instrumentos | ||
| Tiempo | ||
| Discograficas | ||
| Relacionato con | ||
| Pachina web | ||
Gaspar Sanz (Calanda, Teruel, 4 d'abril de 1640 - (probablement) Madrit, 1710), mosén, ye considerato lo teorico espanyol d'a guitarra més importán d'o sieglo XVII. Bells especialistas esfensan que tamién estió lo más completo de totz os d'o suyo tiempos. O mesmo Sanz en a suya obra explica que estudió con os millors mayestros de capiella d'Espanya. Más tardi viachó ta Italia an continó os suyos estudios d'organo en a Capiella Reyal de Nápols y dimpués en Roma, an tamién perfeccionó os suyos estudios de guitarra con Lelio Colista.
Dimpués tornó ta Espanya, con una gran influencia d'a suya estada en Italia, y pasó a estar instructor de guitarra de Chuan II d'Austria, a qui adedicó lo libro "Instrucción de mosica sobre a guitarra espanyola".
[editar] Obra
A suya obra destaca por a calidat d'a suya mosica y por o gran numero d'edicions, que no nomás influyó en o panorama espanyol d'a guitarra barroca sino que s'estendilló por tot o sieglo XVIII, an tractaus y edicions li prenen como modelo.
O libro yera un tractau teorico completo ta tocar a guitarra con tot tipo de consellos tecnicos y mosicals, acompanyato d'asabelas composicions d'o mesmo Sanz, as qualas, contando os tres volumens que forman o libro, son 90.
D'a obra de Sanz se'n facioron en o sieglo XVIII ueito edicions: a primera en 1675 y a ueitena en 1697, anque os tres volumens que forman a obra completa son de 1675. Posiblement más adebant se facioron más edicions, ya que Sanz gosaba fer-ne quantas una misma anyada, porque a obra se fació de camín mui popular. Pero por o prelogo d'a tercera edición de 1675, sabemos que a obra que se conserva ye completa porque parla que a obra sería formata de tres libros. Tanto lo libro segundo como sobretot o tercero contienen composicions de mayor dificultat y belleza que o primero.
Mientres o sieglo XIX a mosica de Gaspar Sanz pasa a convertir-se en una historia bibliografica; gracias a las suyas numerosas edicions, se remera o suyo nombre y a suya pasada gloria.
En l'actualidat, Gaspar Sanz fa parte d'o repertorio estandard d'a mayoria de concertistas, anque a suya obra ye redueita a un chicot numero d'as suyas piezas.
