Organo (instrumento musical)

De Biquipedia
Ir ta: navego, busca
Iste articlo ye sobre un instrumento musical; ta atros usos, se veiga organo (desambigación).
Organo
Organo
Organo barroco d'o monesterio de las Huelgas (Valladolit), c. 1706. Obra de Juan Casado Valdivielso
Clasificación
Instrumento de teclato
Instrumentos de viento
Tesitura
64feet 2 3r.png
Musicos
Organistas
Fabricants
Organers

Un organo ye un instumento musical de teclato. Os sonitos se cheneran fendo pasar aire por tubos de diferents lonchitutz (des de 5 cm dica a 7 m). Se clasifica como instrumento de viento e dentro d'una subcategoria en a que ye solo, ya que fue creyada pa a él: instrumentos de viento de teclato y tubos.

Consta de diferents rechistros u timbres: trompetas, flautas, vibración, etc. Se fa servir por meyo d'un u més teclatos pa tocar con as mans, y unatro consistent en uns pedals en a part d'abaixo. Os diferents rechistros s'accionan por meyo d'unas palancas a l'alcanze d'a man de qui toca l'instrumento.

En o pasato, l'aire se subministraba con unas manchas movitas a man. Actualment, se subministra con una bomba electrica.

L'organo se toca con mans y pietz, o que fa que siga un d'os instrumentos musicals més complexos de tocar, tanto a libel de coordinación y achilidat como de lectura, car a a sobén as partituras d'organo son escritas en tres pentagramas.

L'oficio de construir y afinar os organos recibe a denominación d'organería, y os organers s'organizan en gremios u confrairías profesionals como atros artisans, y en a Edat Meya yeran sozmesos a unas ordinacions que s'han puesto conservar en textos. En textos medievals aragoneses bi ha referencias a "organos" y "organers":[1]

Eadem die. Nos Garcia Vaylo, racionero e capistol en la Seu de Sant Salvador de una part, e Johan de Prosia, organero, habitant en la dita ciudat (de Çaragoça) de la otra, de nuestras ciertas sciencias contraemos et fazemos entre nos companya, tanto como durara una obra que yo, dito Garcia Baylo he empreso de fazer en la cuidat de Calatayut.
Es a saber: dos organos, unos para la Seu et otros para Sant Andreu de la dita ciudat. Es condicion entre las ditas partes que vos, dito Johan de Prosia, hayades ayudar a mi, dito Garcia, bien et fielment ad acabar los ditos organos fasta en punto de affinar, et otra obra mientras durara la sobredita no podays fazer.

Referencias[editar | editar código]

  1. Maria Isabel Falcón Pérez. Ordenanzas y otros documentos complementarios relativos a las Corporaciones de oficio en el reino de Aragón en la Edad Media. Institución Fernando el Católico, 1997 [1]

Vinclos externos[editar | editar código]