Frent Popular (Espanya)

De Biquipedia
Ir ta: navego, busca
Iste articlo ye sobre una coalición electoral en 1936 d'os partitos de cucha espanyols ta las eleccions mientres a Segunda Republica; ta atros usos, se veiga Frent Popular.

O Frent Popular (Frente Popular en castellán) estió o nombre d'una coalición electoral d'os partitos de cuchas (y mesmo republicans de centro, como Unión Republicana) mientres a Segunda Republica Espanyola ta las Eleccions chenerals d'Espanya de 1936, o 16 de febrero de 1936. D'ista coalición, liderata por Manuel Azaña, en feban parte:

Antiparte, no en feban parte, encara que li daban soporte y aduya a Confederación Nacional del Trabajo, a Unión General de Trabajadores y a Unió de Rabassaires.

O suyo programa electoral yera un programa moderato de tipo reformista, ta continar con o proceso de reformas que li caleba en ixas envueltas a la sociedat espanyola y que s'heba paralizato mientres o dito Bienio Negro con o Gubierno de dreitas. Antiparte, recibió l'aduya d'os anarquistas ta lograr a libertat d'os engarcholatos por os feitos d'a Revolución de 1934. En a suya chenesi tenió importancia a existencia previa d'o Frent Popular en Francia, y o feito de que gubiernos de tipo faixista dominasen por a fuerza en puestos como Italia, con Benito Mussolini, u l'antiga Republica de Weimar, que ya Adolf Hitler heba feito esdevenir o Tercer Reich. Tamién as dreitas formoron una ampla coalición electoral, dita Frent Nacional, a on yeran representatos dende a dreita moderata dica simpatizants d'o faixismo espanyol con o Partido Nacionalista Español.

Dimpués d'a victoria d'o Frent Popular en as eleccions, se formó un Gubierno de cucha moderata o 19 de febrero, presidito por Manuel Azaña. Quan as dreitas refuson ixe Gubierno y mesmo o resultato d'as eleccions, prencipió a preparación d'un golpe d'estato, estando asinas l'alazet d'a Guerra Civil espanyola.