Collau de la Foradada

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Collau de la Foradada
Faixetas en el puerto de la Foradada, dende Foradada. El Campanué i ye a'l fondo.
Situación
País	Ribagorza y Sobrarbe
De ta	La Cort La Foradada d'el Toscar
Datos chenerals
Altaria	1020 m
Trazau / construito en
Maxima costera	%
Longaria	km
Tipo	Carretera nacional
Zarrau d'hibierno

El collau de la Foradada u puerto de la Foradada^[1] ye un puerto de montanya d'Aragón que se troba fend la muga d'entre las comarcas de Ribagorza po'l costau oriental y el Sobrarbe per l'occidental, todas dos en la provincia de Uesca.

Cheografía[editar | modificar o codigo]

Fa 1020 metros d'altaria, y se troba d'el tot comprendiu en el municipio ribagorzano de la Foradada d'el Toscar, por bien que po'l costau sobrarbenco tamé fa parte d'este municipio los llugars de la Cort y las Corz, administrativament parland, y por tanto son de Ribagorza, anque se troban en la baixant que mira ta la Fueva y fisicament serían adintro de la dita subcomarca sobrarbenca.

Po'l norte, el limita la punta Ferrera (1827 m) que ye de la serra Ferrera, y po'l sud, l'altura d'el Campanué (1548 m) que ye de la serra de Santa Llestra. Po'l puerto, s'arriba a'l punto mas alto a pocos metros d'el llugar de la Foradada, que por poco se troba ya en la baixant que se'n va ya cara ta l'Esera.

Comunicacions[editar | modificar o codigo]

Actualment, el recorre la carretera nacional N-260 en el suyo segmento d'entre l'Aínsa y Campo. La puyada pe'l costau de Sobrarbe comienza en Sant Per d'el Toledo de la Nata y se prellonga mas de 4 kilometros. Pe'l costau ribagorzano, la baixada ye mas curta, pero con mas desnivel, y de los mil vente metros se pasa a's seicientos y pocos que i ha en Campo en menos de 4 km, lo que fa un desnivel alredor d'el 10%.