Cicerón

De Biquipedia
Ir ta: navego, busca
Cicerón

Marco Tulio Cicerón (en latín Marcus Tullius Cicero) (Arpino, 106 aC- Formia, 43 aC) estió un politico, filosofo, escritor y orador romano.

Oríchens[editar | editar código]

Marco Tulio Cicerón, orador, politico, filosofo y escritor romano, naixito en una familia de orichen plebeyo. O suyo lolo, con o mesmo nombre, estió un ciudadano romano a saber-lo conoixíu. O suyo pai, J.C. Marco Tulio Cicerón li amostró as leis y, quan morió, li dixó una gran fortuna. Conoixemos a vita de Cicerón, entre atros, gracias a la biografía que d'él escribió Plutarco, y a lo suyo granizo epistolario, que ye conservato, y al celo d'os humanistas d'o sieglo XV y XVI, que copioron os raros manuscritos d'as suyas charradetas y atras obras.

L'apodo "Cicerón" viene de "cicer", garbanzo; según belunos por treballar a suya familia (la familia Tulia de Arpino) a lo cautivo d'os garbanzos; según atros por tener una berruga en o naso com un garbanzo.

Tenió una sobrebuena educación y dimpués d'una prou breu carrera melitar y tres anyadas de experiencia com advogau en temas privatos, viachó ta Grecia y Asia ta continar os suyos estudeyos. Estió disciplo de Fedro lo Epicúrio, de Filón l'Academico, de Diodoto, de Antíoco de Ascalón, de Zenón y de Posidonio. Ista multiplicidat de mayestros fació que Cicerón metese distintas solucions ta os problemas filosoficos. Os suyos planteyamientos sobre la moral yeran cerca d'o estoicismo, mientres que en gnoseolochía defendeba un scepticismo moderau; todas istas influencias y lecturas darán en o zaguer inte a o eclecticismo y en él chuntará la tradición griega, reescribindola en latín.

Carrera politica[editar | editar código]

Tornó a Roma en o 77 aC y empecipió a suya carrera politica dica que en o 74 aC fue esleito senador. Continó exercindo d'advogau y se fació muit important en atras qüestions, en especial o sosteniu contra Berres y o suyo tiranico y corrupto gobierno en Sicilia, y fue esleito cónsul el o 64 aC. Yera en o partiu aristocrático patricio, encara que yera un homo novus, y por ixo luitó en o senau contra os seguidors d'o partiu popular. Durante o suyo consulato denunció y remató a conchura d'inspiración social d'o suyo viello rival por o consulau, Lucio Serchio Catilina, contra qui fació as suyas conoixitas Catilinarias, charradas an que denunciaba a conspiración ante o Senato. Li dición que heba estau prou duro en a represión d'os sublevatos, entre os que se trobaba Chulio César, y se veyó abocau a marchar-se-ne en o 58 aC. Dimpués d'una anyada vivindo en Macedonia, Pompeyo lo perdonó y podió tornar.

En l'año 51 aC prenió lo cargo de procónsul d'a provincia romana de Sicilia, tornando a Roma en o 50 aC. Aduyó a Pompeyo contra César en a guerra civil, porque le paixeba más republicano. Manimenos, en ganar César a zaguera luita en o 48 aC, Cicerón estió que yera una fatería toda oposición, y César li perdonó por o suyo gran prestichio como escritor y pensador. Manimenos, Cicerón dixó tot o treballo politico y nomás escribiba. Vivió a dictadura de César fendose-ne por a Republica, ya que yera un republicano convencito; manimenos, al ser asesinau César en o 44 aC, tornó a la politica y fació tot lo que podió contra l'alumno de César, Marco Antonio, escribindo contra él as suyas famosas Filipicas y incluso fendo pacha con l'afillau de César, Octavio Augusto. Fue asesinau por os seguidors de Marco Antonio en l'anyo 43 aC.

En o "Libro d'o Trasoro" lo nombran como Tulio y tamién en latín orichinal Marcus Tulius Cicero:

mas aquella conjuracion fue descubierta en el tiempo que el muy saujo Marcus Tulius Cicero, el millor faulant omne del mundo e maestre de rectorica, fue consellero de Roma, que por su gran seso vincio los conjurios e tomo vengança, e fizo stroyr una gran partida de gentes de...