Cadiello

De Biquipedia
Ir ta: navego, busca
A cría d'os cans ye a especie que más asobén se diz cadiello.

Cadiello (d'o latín <CATELLU[1], que significa o mismo) ye a denominación chenerica que reciben, en aragonés, as crías de curta edat de os mamiferos incluius en a orden Carnivora, que incluye bellas especies domesticas y comuns, como o can y o gato.

A la inversa que os herbivoros, os mamiferos carnivoros tienen fillos poco desembolicaus quan naixen, asobén pandos y ciegos, que precisan que su mai se faiga niedo en bell puesto bien guardau ta librar-los (un cado u bell forau a on que sían bien cubillaus) y les i dé teta dica que son un poquet más grandetz, ta que no sían victimas de belatros depredadors. Se desembolican despaciet, y precisan a protección de su mai más tiempos, por o que os cadiellos d'as especies domesticas gosan estar muit apreciaus como animals de companya.

Imáchens[editar | editar código]

Referencias[editar | editar código]

  1. (es) MOTT, Brian L.. Diccionario etimológico chistabino-castellano castellano-chistabino. Institución «Fernando el Católico». Zaragoza, 2000. ISBN 84-7820-553-5