Ursus arctos
| Onso pardo | ||||||||||||||||||
 Onso masclo |
||||||||||||||||||
|
|
||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
|
||||||||||||||||||
|
|
||||||||||||||||||
|
||||||||||||||||||
|
|
||||||||||||||||||
| Ursus arctos | ||||||||||||||||||
| Linnaeus, 1758 | ||||||||||||||||||
 Distribución d'os onsos pardos per o mundo |
||||||||||||||||||
L'Onso pardo (Ursus arctos (Linné 1758).) ye un habitant caracteristico d'as selvas impenetrables d'Europa, Asia temperata y America d'o Norte. En tot este territorio amaneix baixo numerosas variedatz y subespecies, que se diferencian d'entre sí por a suya grandaria y coloración, tanto que a belunas d'ellas las se i consideraba como especies diferents. Pueden cuaternar-sen, por eixemplo, as grans especies de Grizzlies (Onsos grisos americans, actualment Ursus arctos horribilis) u l'onso d'a isla Kodiak (variedat insular d'Alaska, Ursus arctos middendorffi), estando este zaguer o más gran onso pardo coneixito, con bells 3m d'altaria quan ye alzato de garras.
En Europa, os onsos no bi remanen si que en os Carpatos y a Peninsula Escandinava, asinas como bellas poblacions residuals en as montanyas cantabricas, Pireneus, Peninsula Italica central y os Balcans. Orichinalment, yeran distribuitos arredol d'o continent, incluyitas as Islas Britanicas.
Os onsos son omnivoros: de primavera y d'agüerro a suya alimentación ye más que más vechetal, pero a ormino cazan chicolons vertebratos, y en latitutz on que este fenomeno i tien gran importancia, se fan pescadors en a puenda d'o desove de determinatos peixes (especialment, salmons). Nomás bells individuos s'especializan en a captura de grans presas, sobretot animals domesticos y de caza habitual. L'onso pardo pasa l'hibierno dintro de cados u espelungas, on que i duermen un suenyo entretallato sin de variacions d'a suya temperatura corporal. Ye tamién en esta epoca (aviento y chinero) quan as fembras libran y comienzan a crianza d'os cadiellos.
Vinclos esternos [editar]
- (ca) L'onso pardo, a o Departament de Medi Ambient de la Generalitat de Catalunya - Información sobre l'onso pardo a Catalunya (presencia historica y reintroducción).
- (es) Fauna Iberica.
- (es) Fundación Oso Pardo.
