Sarmatas

De Biquipedia
(Reendrezau dende Sarmats)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Guerrers sarmatas luitando en as guerras dacas y representatos en a Columna Trachana.

Os sarmatas[1] son un conchunto de pueblos iranicos d'as estepas euroasiaticas que en o sieglo V a.C habitaban en as cuencas baixas d'os ríos Volga y Ural, pa dimpués en o sieglo IV a.C cruzar o Don, empentar a los escitas y ixemenar-se sieglos dimpués por as estepas a lo norte d'o Caucas y d'a Mar Negra plegando dica a Cuenca Panonica. Amplos territorios d'Europa Oriental fuoron denominatos por os autors clasicos como "Sarmacia" y en tan gran aria os sarmatas se dividioron en diferents agrupacions conoixitas como aorsos, siraces, alanos, roxolans, chazigues y atras agrupacions menors como os ardagarants u os taifals. Os pueblos sarmatas estioron uns d'os principals pueblos d'as estepas d'Europa Oriental y Centro-Oriental dica a invasión d'os hunnos, invasión que fue seguita por atras invasions de pueblos d'as estepas d'orichen turquico y que empentó ta l'Imperio Romano a los pocos sarmatas no sozmesos. Os sarmatas alanos d'o sud d'Ucraína debioron ser asimilatos por os protobulgaros y atros pueblos d'as estepas. Os sarmatas alanos que quedoron a lo norte d'o Caucas encara estioron un pueblo con cierta importancia en a Edat Meya y se convertioron en os osetas actuals.

Mencions en fuents aragonesas[editar | modificar o codigo]

En a obra de Chuan Ferrández d'Heredia son denominatos como sarmats ("Historia Romana") u sarmanitas ("Cronica de los Conquiridors").

el qual apres que huuo muerto a su hermano Blenda, vincio los Datos, los Sarmanitas, los Pannomos. Aplegando pues grant exercitu passo en Scicia et fizo el rey delos Scitas tributario dius si ; enlas quales partidas el trobo guchiello del dios Mars, el qual fingen las ystorias que fue el dios delas batallas porque cruel batallador; et domo los Scitas et regno sobre aquellos
Entretanto Valent fué bateado por Eudoxio(i) bispe de la heretgia arriana et cayó en aquella heretgia [de los arians] et esforcandose de perseguir los christianos fué retraydo por actoridat del hermano. En aquella tempestat Athanaric rey de los Gots persiguió los christianos mucho cruelment et los promovió aver corona de martiria. Valentinián oprimé la gent de los Saxons, la qual habitava en riĤbera et en poludes de la mar occeano (fué gent terrible de la virtut et sagería, la qual gastava los encontradas Romanas), et más de .LXXX.M. Burgunyóns Armals, los quales se assentaron en ribera de Reno fluvio, los quales aprés poco de tiempo fueron factos christianos. Entretanto Valent en Bretanya antes que esvesís tiranía fué oprimido. Et Valentinián en el .VI. anyo del su Imperio, con los Sarmats corriesen por Pannonia et la gastasen, aparellando batalla contra ellos, dementre /f. 67v/ envés Brigacion ciudat de los Squados respusiés a una legación, en el anyo de la suya hedat .LV. por sobsa efusión de sangre los quales los Griegos claman apoplexía, perdida la paraula más en todo su seso, murió. La qual cosa segunt que algunos dixieron se esdevino por la intemperancia et excesiva saturitat [de viandas]. Et fué excellent emperador, ab cara convinient, prudent et en engenio asseýdo et greve et pesant en el corage et en costumbres, ornado bien de bella perlaría, ya se que fués mucho amesurado de parlar.

En "Historia contra los Paganos" podemos leyer sarmatas:

Como todas las gentes vinieron a cesar dema(n)da(n)do le paz. Rubrica. Los Noricios / los ylirios / los Pannonios / los dalmatas los Messios los Trachas los Dacios / los Sarmatas et muyt muchos et gra(n)des pueblos de Germania por diu(er)sos duq(ue)s fuero(n) uencidos / o rep(re)midos / o encara por empachamie(n)to et forçamie(n)to de muyt grandes Rios esto es de Renno et de Danubio fuero(n) encerrados et appartados.

Referencias[editar | modificar o codigo]

Bibliografía[editar | modificar o codigo]