Zuqueta

Iste articlo tracta sobre as zuquetas. Ta o pelo facial se veiga zoqueta (barba)

Zoquetas, por debant y por dezaga.

A zuqueta u zoqueta (d'a radiz celta <*TSUCC) ye una ferramienta agricola que s'emplega ta guardar os didos contra eventuals tallos mientres se siega manualment. Se mete en a man contraria a aquella con a qual se manulla la falz u qualsiquier atra ferramienta de corte.

Tradicionalment, se feban de madera. As formas mas comuns protechen os tres didos centrals d'a mano, u os quatro no oposables, y deixan o dido pulgar libre ta subchectar as garbas mientres, con l'atra man, se siegan con a falz. Bells disenyos incluyen, a demás, dos foradetz ta fer-ie pasar un cordelet que sirven ta ligar a zoqueta a la monyeca de a mesma man con a qual se fa servir a protección. Isto l'asegura y garantiza que no caiga mientres se treballa con ella.

Etimolochía

A parola zoqueta ye un celtismo que dimana d'una radiz <*TSUCC, que tamién ye present en as parolas zoca, zuca u zueca, un toponimo freqüent que fa referencia a montanyas con a punta triangular u piramidal.

Imáchens

• 

  Como se posaba a zoqueta en a man.

• 

  Emplegando-la con una falz.