Ziziphus jujuba

De Biquipedia
Ziziphus jujuba
Ziziphus jujuba.jpg
Un chincholero (Ziziphus jujuba).
Denominacions populars
chincholero
Estato de conservación
Status iucn2.3 LC.svg
Seguro (IUCN)
Clasificación scientifica
Eukaryota
Plantae
Rosales
Rhamnaceae
Ziziphus
Z. jujuba
Descripción
Ziziphus jujuba
Miller, 1768

O chincholero[1] (Ziziphus jujuba (Miller, 1768)[2]) ye una planta d'a orden d'os Rosales y familia Rhamnaceae que aconsigue una altaria de 5 a 12 metros con ramas espinosas. As fuellas son de color verda brilant, ovadas y agudas, de 2 a 7 centimetros de luengo y de 1 a 3 centimetros d'amplo. As flors son chicotas, de 5 mm d'amplo, con cinco petalos de color verda amarillenca. Lo fruito ye una drupa ovalada comestible de 1,5 a 3 centimetros y se diz "chinchol" u "chincholo"; quan ye inmaduro ye de color verda suau, con a consistencia y lo gusto d'una mazana con menor acidez, madurando de parda a negra vrioleta y eventualment corrucada, pareixendo un dátil chicot.

O chincholero estió domesticau en o sud d'Asia en l'anyo 9000 a. C. L'arbol tolera una ampla gama de temperaturas y plevidas, encara que requiere veranos calurosos y augua pro pa una fructificación acceptable. A diferencia d'a mayoría d'as atras especies d'o chenero, tolera hibiernos pro fredos, sobrevivindo a temperaturas de dica -15 °C, y l'arbol, per eixemplo, se cautiva comunament en Pequín. Ista ampla tolerancia permite que lo chincholero creixca en habitats montanyosos u deserticos, a tota hora que haiga acceso l'augua subterrania mientres tot o verano.

Os lugarenyos afirman que un antigo arbol de chincholero en a ciudat d'Al-Qurnah, Irak, ye l'"Arbol d'a Conoixencia" mencionau en a Biblia. L'arbol ye un puesto turistico en a ciudat.

Os "chinchols" (u "chincholos") son os fruitos d'o chincholero.

Referencias[editar | modificar o codigo]

  1. (es) Rafel Vidaller Tricas: Nuestros árboles, Cuadernos altoaragoneses de trabajo 2, Instituto de Estudios Altoaragoneses, 1993, ISBN 84-398-7906-7, p. 12
  2. (en) Kirkbride, Joseph H.; Wiersma, John H.; Turland, Nicholas J. (2006). "(1753) Proposal to conserve the name Ziziphus jujuba against Z. zizyphus (Rhamnaceae)". Taxon. International Association for Plant Taxonomy. 55 (4): 1049–1050.

Vinclos externos[editar | modificar o codigo]