Zaha Hadid
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Zaha Hadid | |
|---|---|
 Zaha Hadid en 2013 | |
| Información personal | |
| Naixida o: | 31 d'octubre de 1950 |
| Naixida de: | .svg){kind=small} Bagdad (Reino de Irak, hue Irak).
|
| Muerta o: | 31 de marzo de 2016 |
| Muerta en: |  Miami, Estaus Unius.
|
| Ocupación: | Arquitecto |
| Sitio web: | www.zaha-hadid.com |
Zaha Hadid (en arabe: زها حديد) fue una destacata arquitecta iraquí, naixita de Bagdad o 31 d'octubre de 1950 y muerta en Miami, 31 de marzo de 2016)[1]. Ye estata la primera muller en recibir o prestichioso Premio Pritzker d'Arquitectura, en 2004.
Biografía[editar | modificar o codigo]
Iraquí de naixenza, se desplazó ta Londres a fin d'estudiar en l'Architectural Association School of Architecture. Dimpués d'obtener o títol treballó con un antigo profesor suyo, l'arquitecto holandés Rem Koolhaas en l'OMA (Office for Metropolitan Architecture), esdevenindo-ne socia en 1977. Tres anyatas més tardi establió a Londres o suyo propio estudiet. Ha ensenyato tamién a muitas institucions prestichiosas per tot lo mundo, estando en profesora d'a Universidat d'Artes Aplicatas de Viena (Austria).
Uebras[editar | modificar o codigo]
Per un regular, as uebras de Hadid se consideran asociatas a lo deconstructivismo. Predominan as linias extendillatas y curvatas, os anglos acutos y os plans superposatos, que alportan a las creyacions una sensación de complexidat y lichereza. Muitos d'os suyos primers treballos estioron conceptuals, sin que rematasen feitos, a ormino perque ta par d'alavez no yeran plenament fesibles. D'entre os suyos prochectos realizatos, bi feguran:
- O parque de bombers de Vitra (1994), a Weil am Rhein (Alemanya)
- O Centro Rosenthal d'Arte Contemporanio (1998), a Cincinnati (EUA)
- A nueva panta d'o Bergisel ta blincos d'esquí (2002), a Innsbruck (Austria)
- O Museu d'a Sciencia Phaeno (2005), a Wolfsburg (Alemanya)
- O Maggie's Centre d'o Hespital Victoria (2006), a Kirkcaldy (Reino Uniu)
- O Pabillón Puent de l'Expo 2008, a Zaragoza (Aragón).
Se veiga tamién[editar | modificar o codigo]
Referencias[editar | modificar o codigo]
Vinclos externos[editar | modificar o codigo]
| Predecesor: Jørn Utzon |
Premio Pritzker 2004 |
Succesor: Thom Mayne |