Vulturín
O vulturín,[1][2][3] voltorín,[1][4] vultorín,[5][6] volturín,[7] u vulturino[5] (en ansotano vuitrino[8]) ye una trampa u arte de pesca que s'emplega en os ríos y cequias y que consiste en una cesta u estructura de bimbre con o fondo zarrau, con una atra cesta en forma d'embudo en a botana, que fa fácil d'entrar pero quasi imposible que a presa torne a salir quan ya s'ha ficau t'adintro. As formas más modernas d'iste aparello se fan con bolsas de rete.
Se paraba en os trangos más estretos por an que os animals aquaticos se vieban forzaus a pasar, como as rasas en os ríos y barrancos u en os auguatiellos d'as cequias, más que más quan se miraba d'atrapar especies que migran contra la corrient (como a enguila), lo que las fa de más fácil engatusar porque, como van alma a luitar contra la corrient, no s'apercatan nian que se son ficando en a trampa. Bella vez tamién se podeba fer ir a os peixes cara t'an que yera o vulturín debantando un murete con piedras en a glera.
Referencias[editar | modificar o codigo]
- ↑ 1,0 1,1 ARNAL PURROY, Mª Luisa, Diccionario del habla de la Baja Ribagorza Occidental -Huesca-; Institución «Fernando el Católico» + Gara d'Edizions, 2003. ISBN 84-8094-052-2
- ↑ MASCARAY SIN, Bienvenido, Vocabulario del habla de Campo (Ribagorza, Huesca); Prensas Universitarias de Zaragoza + Xordica Editorial, 2013. ISBN 978-84-96457-87-4
- ↑ BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions, 2008. ISBN 978-84-8094-061-0
- ↑ TOMÁS ARIAS, Chabier, El aragonés del Biello Sobrarbe. Instituto de Estudios Altoaragoneses, 1999. ISBN 84-8127-095-4
- ↑ 5,0 5,1 «Pesca» en a GEA, consultada o 10 de mayo de 2021.
- ↑ QUINTANA i FONT, Artur, El Aragonés nuclear de Nerín y Sercué (Valle de Vio); Institución «Fernando el Católico» + Gara d'Edizions. Zaragoza, 2007. ISBN 978-84-8094-060-3
- ↑ BLAS GABARDA, Fernando y ROMANOS HERNANDO, Fernando, El Aragonés de Baixo Peñas; Institución «Fernando el Católico» + Gara d'Edizions, 2005. ISBN 84-8094-054-9
- ↑ BARCOS, Miguel Ánchel, El Aragonés Ansotano: estudio lingüístico de Ansó y Fago; Institución «Fernando el Católico» + Gara d'Edizions, 2007. ISBN 978-84-8094-058-0