Birolla

Muller fendo a virolla

Birolla (de l'occitán berdolha) ye una denominación que recibe o conchunto de sustancias alimenticias que se consumen en diferents momentos d'o día. Una vegada que un organismo vivo se mincha os alimentos, istos proveye d'elementos ta a suya normal nutrición y permiten a suya conservación.

En qualques zonas como A Fueva ha derivau o suyo significau enta "lifara". La documenta entre atros o Vocabulario Básico Bilingüe de Antonio Martínez, o Diccionario Chistabín de Brian Mott y o Vocabulario de Baixo Peñas de Fernando Blas y Fernando Romanos.

Expresions comuns

Bi ha muitas expresions relacionadas con a birolla:

• Fer a birolla, quan se son parando os alimentos ta minchar.
• No piensa que en a birolla, quan una persona nomás piensa en minchar.
• Estar a l'aglor de la birolla, significa estar a l'atisfa.
• A birolla presta u a birolla feita, quan as cosas son feitas y no cal treballar.
• A birolla y cama, alochamiento con dreito tamién a comida u estada con tot pagau.
• Chornal a birolla y cama, antiga forma de pago por un treballo, en l'actualidat puet estar un complemento salarial.
• Birollada, abundancia de birolla u muita chent minchando.
• A l'ulor d'a birolla, vichilar u estar a l'aguaita.