Lifara

De Biquipedia
Ir a la navegación Ir a la búsqueda

La lifara[1] (llifara en ribagorzán) u alifara equivale a una brienda excepcional per l'abundancia y per realizar-se con motivo de bella celebración y siempre per un grupo de presonas que cumplen un plantiamiento social. Encara que de nombre arabe puet estar una derivación d'a merenda romana que preneban los siervos a meya tardi como substitutivo d'a zaguera minchada d'o día que ells heban de servir. Lo suyo concepto se fica en a importancia concedida a la minchada, como elemento festivo, entre los lugars amoderaus per temperamento u necesidat economica. Esta ideya pasa a lo refranero («la d'o pobre, dinantes esclatar que sobre») y lo suyo desembolique encaixa en a ruptura de la monotonía d'os actos cutianos, sin plegar a lo gran escayecimiento que exiche la minchada extraordinaria d'o meyodía.

No ye indispensable, pero sí freqüent, que la lifara se realice en o campo, normalment en as tierras de belún d'os participants. Lo que se consume se paga a pon u ye aportau per cadagún; la composición vareya per razons economicas y depende de cada zona y d'os suyos productos; normalment carne de corder u pollo u magras, con tomate y pimiento, pan y vin. En ocasions s'asocia con las romerías a santuarios y ermitas y con freqüencia con as fiestas de congregacions u asociacions de celebración anyal, en que lo suyo caso se realiza con fondos comuns y, normalment, con gran frugalidat.

Poseyemos escasa información historica y como institución popular presienta una gran variedat. Puet estar conseqüencia de determinadas epocas u operacions agricolas u pastorils; pero no debe trafucar-se con as minchadas normals desenvueltas en o campo, a distancia d'a casa, que dan orichen a lo costumbre de «levar la minchada» confiada a los ninos u las mullers. Se tracta d'un elemento festivo que la suya base ye la minchada d'alimentos que no son d'uso normal y en cantidatz mesmo excesivas, pero sin plegar a la minchada u fartalla ritual.

Referencias[editar | modificar o codigo]