Viella Bavera

De Biquipedia
Ir a la navegación Ir a la búsqueda
Viella Bavera
Altbayern
Oidbayern
Rechión historica d'a Alemanya
Rautenflagge (24 Rauten).svg Escudo de  Viella Bavera
Bandera Escudo
Altbayern.svg
En royo a Viella Bavera con as actuals mugas
Capital Múnich
Idioma oficial
 • Luenga propia
Alemán
Austro-baverán
Entidat
 • País
 • Estato
Rechión historica
Flag of Germany.svg Alemanya
Flag of Bavaria (lozengy).svg Bavera
Subdivisions Alta Bavera
Baixa Bavera
Alto Palatinato
Chentilicio Baverán/a

A Viella Bavera (en alemán Altbayern u Altbaiern, en austro-baverán Oidbayern) ye o territorio consistent en as tres partis mas antigas de l'actual Estau Libre de Bavera, que yeran ditas Kurbayern dimpués d'a desaparixión d'o Electorau de Bavera.

A Viella Bavera se divide en as actuals Regierungsbezirke (rechions administrativas):

Ya que o termín Viella Bavera se basa en diferencias culturals en comparanza con as rechions historicas de Franconia (dividida en Alta, Meya y Baixa Franconia) y Suebia (l'actual Suebia baverana), bellas zonas d'a redolada d'a ciudat de Wunsiedel en l'Alta Franconia, asinas como d'o districto suebo d'Aichach-Friedberg, fan parti tamién d'a Viella Bavera, ya que tienen a mesma historia, dialecto y cultura que as tres rechions debanditas. Estrictament charrando, o districto d'Innviertel, en l'Alta Austria, tamién fería parti d'a Viella Bavera, ya que feba parti d'o Electorau de Bavera dica que s'incorporó a l'Archiducau d'Austria seguntes o Tractau de Teschen en 1779.

O Estau de "Baiern" ye dito "Bayern" dende tiempos d'o rei Loís I (1825-1848). Como parti d'as reformas feitas por o menistro Maximilian Josef Montgelas a denominación oficial de Bavera cambeó de "Baiern" enta "Bayern" debiu a l'aimor d'o rei por a cultura de l'Antiga Grecia.

Os territorios de Franconia y Suebia no se adhibirían a o Reino de Bavera dica a mediatización y secularización d'Alemanya y o Congreso de Viena de 1815, por ixo as diferencias culturals y lingüisticas con a Viella Bavera son encara prou importants. Os dialectos baverans, que encara se charran en a zona d'a Viella Bavera (y en as rechions adchacents d'Austria), son diferents d'o franco (franco oriental) y l'alamanico (suebo) que se parlan en as rechions de Franconia y a Suebia baverana.

En a televisión de Bavera (Bayerischer Rundfunk) bi ha un programa dito "Schwaben & Altbayern" que discute sobre custions politicas y culturals d'as rechions meridionals d'o estau de Bavera.