Val d'a Beqaa

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Val d'a Beqaa ye una plataforma sedimentaria situata en a partita oriental d'o Liban, entre as cordeleras d'o Mont de Liban y de l'Antiliban, a una altaria meya d'arredol de 900 m. Con uns 4000 km2, representaría un tercio d'a superficia d'o Liban. Baalbek marca a deseparación entre a compleganza de l'Oront (Nahr al-Assi en arabe) a lo norte, y a compleganza d'o Litani a lo sud. A val de l'Oront ye una rechión semiarida a arida amenazata de desertificación. O centro y sud d'a Beqaa se benefician de recursos hidricos més abundants.

A plana u val d'a Beqaa s'estendilla uns 120 km de norte a sud, con una amplaria de 8–14 km.

En A Beqaa cautivan cerials, vinya, remolacha, patacas, cotón, canyimo y árbols fruitals en os reganos.

A suya población perteneixe a diferents grupos etnicos y etnoconfesionals: arabes xiitas libaneses, arabes sunnitas libaneses, drusos, melkitas, maronins y armenios, predominando uns y atros grupos en determinatos sectors y localidaz.

A Beqaa ye nombrata en a versión aragonesa d'o "Libro d'as Marabillas d'o Mundo":

De sardenach viene hombre por la val de bokoa que es muy bella vaill entre la montaynnas / Et y ha de muy bellas Riberas & prados & de beillos pasturages pora las bestias / Et va hombr(e) por las montaynnas de libano qui duran de armenia la grant enta bissa ata el Dan qui es de medio dia al comenc[']amiento dela t(ier)ra de p(ro)mission Assi como yo he dessuso dicho / Estas montaynnas son muy fructuosas Et y ha muy beillas fuentes de cedros & de cipreses / Et muchos de otros diuerssos arbores / Et si y ha de muy buenas villas & bien pobladas
A plana d'a Beqaa