Val con fondón plan

De Biquipedia
Ir a la navegación Ir a la búsqueda
A la ezquieda, una val con fondón plan que trescurza o Refuchio de Fauna Silvestre de La Lomaza de Belchit.

As vals con fondón plan son barrancos con fondón plan y costeras en cillo, muito estendillatas por tota a depresión de l'Ebro, pero que son a prencipal forma de denudación fluvial en os afloramientos chesosos d'o centro d'a depresión.

Vistos en planta tienen un denso trazato dendritico. O emplazamiento més tipico ye en antigos glacis, en especial os d'erosión, a los que desfan reducindolos a soben a simplas crestas divisorias de perfil agut.

O emplenato ye de limos, nodulos de cheso y intercalacions de libels de glera y amaga l'antigo perfil en V d'estas vals. Esto ye por a poca competencia d'os achents de trasporte, incapaces de levar-se-ne os sedimentos auguas enta baixo. A causa d'esto ye tanto climatica (escasas precipitacions) como antropica (desforestación d'as costeras, cautivo y fer faixas u bancals). Encara ye polemico entre os cheomorfologos quala d'as causas ye més important.

Bibliografía[editar | editar código]