Universidat Laboral de Zaragoza

De Biquipedia
Ir a la navegación Ir a la búsqueda
Universidat Laboral de Zaragoza
Datos chenerals
Tipo Publica
Sieglas
Embotada
Lema '
Establimiento 15 de noviembre de 1967
Fundador
Localización
Adreza Poligono Malpica II, 4, 50016 Zaragoza
Ciudat Zaragoza
País Flag of Aragon.svg Aragón
Estato
Coordenatas
Atras seus
Campus
Profesors
Estudiants
 • Bachillerato
 • Pregrau
 • Postgrau
 • Doctorato
 • Atros
Treballadors
Funcionarios
Administrativos
Mascota
Colors
 •Academicas
 •Esportivas
Administración
Rector
Vicerrector
Canciller
Vicecanciller
President
Director
Decano
Administrador Menisterio de Empleo y Seguridat Social
Afiliacions
Financiamiento

A Universidat Laboral de Zaragoza ye un edificio situau en Zaragoza, seu d'ista antiga institución en a ciudat. Fue establida en l'anyo 1967 estando una d'as 21 antigas universidatz laborals d'Espanya. Tien una superficie de 20 hectarias situadas en o poligono industrial de Malpica, a una distancia de 11 kilómetros d'o centro d'a ciudat.

Historia[editar | editar código]

Establida en 1967, un día dimpués d'a inauguración d'a Universidat Laboral de Uesca, a Universidat Laboral de Zaragoza estió a primera universidat laboral femenina d'o Estau Espanyol[1]. Prencipió a suya actividat dos días antes d'estar enguerada con 1.200 alumnas en as suyas aulas procedents en a suya mayoría d'Aragón, Catalunya y o País Valencián. En os suyos millors tiempos arribó a tener dica 3.500 alumnos y 300 profesors.

A suya construcción se fació en menos de 7 meses, prencipiando o 13 de marzo de 1967 y rematando o 29 d'octubre d'ixe mesmo anyo, y fue dirichida por l'arquitecto zaragozano Manuel Ambrós Escanellas que contaba con un presupuesto de 257 millons de pecetas. Tamién colabororon o pinto y escultor Javier Clavo y a filla de l'arquitecto, Pilar Ambrós Barrau, qui fació pa o nuevo centro un Via Crucis de cerámica. En 1968, Ambrós ganó o Trofeo Ricardo Magdalena a Edificios Públicos por o suyo treballo en a Universidad Laboral Femenina.

O conchunto s'enampló 1970 con unas obras por valor de 155 millons de pecetas, convertindo-se en un centro mixto. Ya en a decada de 1980 as universidatz laborals se transforon en Centros d'Amostranzas Integradas (en castellán Centros de Enseñanzas Integradas) y pasoron a pender d'o Menisterio d'Educación y Sciencia.

Manimenos dende a 1997[2] as suyas instalacions se troban tancadas dimpués de detectar-se problemas d'aluminosis que afectaban a la estructura d'os porches cubiertos. Actualment ye parcialment emplegada como almadazén por o Gubierno d'Aragón

Instalacions[editar | editar código]

Quan yera en funcionamiento as suyas instalacions feban que estase un d'os centros educativos millor equipaus d'Aragón. Bi heba 3 salons d'actos (tenendo o mas gran dica 1.300 butacas), una residencia de 12 plantas chunto a o edificio central pa os estudiants foranos con quasi 2.000 camas, quantos pavillons d'aulas, cine, capiella, tabierna y apartamentos pa os profesors. Entre as instalacions esportivas se trobaba un pavillón poliesportivo, una piscina cubierta climatizada, un estadio d'atletismo, quantos campos de fútbol y de baloncesto, pistas de tenis, voleibol y balonmano. A suya biblioteca teneba dica 37.000 volumens. A más a oferta de instalacions se completaba con laboratorios de fisica, quimica, sciencias naturals y idiomas u tallers con maquinaria pa confección industrial entre atros.

Educación impartida[editar | editar código]

Entre a oferta de graus impartius en a Universidat Laboral de Zaragoza destacan:

Cheodesia[editar | editar código]

Bi ha un vértiz cheodesico situau en a terraza d'o edificio mas altero a una altaria de 247 metros dende o libel d'a mar[3].

Referencias[editar | editar código]