Troixo
Un troixo[1][2][3] u truixo[1] (puet estar que d'o gotico <*þrauhs;[2] «mundo», «arcón»), en Vallivió tamién documentau como trueixo,[1][4] ye de forma extensiva un recipient de muita superficie en comparanza con o relativament poco fondo, que se fa servir pa concaber un montón de bel arido, encara cuan este puede sobreixer muito por alto d'as parez d'o recipient.
A parola tamién describe os elementos de deseparación móbils (tablas de madera, trallos u cualsiquier atro) que se fa servir pa delimitar o espacio ocupau por o montón d'un mesmo arido a nibel de a base y privar que se mezcle con o contiguo, especialment cuan a materia ye amontinada directament sobre o suelo y sin garra recipient que a concaba. En l'Alto Aragón, esta forma de trueixos s'emplegan tipicament pa delimitar a base d'os montons de cerials apilaus en o suelo en un granero, os montons de nueces, almendras y belatros fruitos cullius una mesma anyada y tipicament que s'atesera pa que s'ixoreyen en o suelo d'un reposte u en a falsa, as trunfas, as cebollas y belatras hortalicias que s'almagazena directament sobre o suelo d'a falsa, etc.
En o Baixo Aragón, zona oliverera, se documenta a forma castellanizada truejo, «trueho», con a cual se fa referencia a os trueixos a on que se dipositan as olivas que en espera de que las muelgan,[5] en as dependencias d'un molín d'azeite u almazara.
Se veiga tamién
[editar | modificar o codigo]Referencias
[editar | modificar o codigo]- ↑ 1,0 1,1 1,2 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ 2,0 2,1 (es) MOTT, Brian L. (2000). Diccionario etimológico chistabino-castellano castellano-chistabino. Institución «Fernando el Católico». Zaragoza. ISBN 84-7820-553-5
- ↑ ARNAL PURROY, Mª Luisa, Diccionario del habla de la Baja Ribagorza Occidental -Huesca-; Institución «Fernando el Católico» + Gara d'Edizions, 2003. ISBN 84-8094-052-2
- ↑ QUINTANA i FONT, Artur, El Aragonés nuclear de Nerín y Sercué (Valle de Vio); Institución «Fernando el Católico» + Gara d'Edizions, 2007. ISBN 978-84-8094-060-3
- ↑ (es) QUINTANA i FONT, Artur et al. (2004), El Aragonés residual del bajo valle del Mezquín (2ª Ed.); Ayuntamiento de Torrecilla de Alcañiz. Torrociella d'Alcanyiz. ISBN 84-606-3647-X
