Tirada de disco en os Chuegos Olimpicos d'Atenas 1896

A tirada de disco en en os Chuegos Olimpicos d'Atenas 1896 estió una preba que fació parte d'o programa de l'Atletismo en os Chuegos Olimpicos de 1896. En esta preba s'ha de fer una tirada de un disco o mas larga posible y se fació o primer diya d'o progama d'atletismo o 6 d'abril en o Estadio Panathinaiko d'Atenas.

Ye un preba inspirata en a tirada de disco d'os Chuegos Olimpicos de l'antiguidat y garra d'os competidors teneban muita experiencia en ista preba que no yera habitual en competicions internacionals. Bi ha documentaus nueu partecipants pero se creye que bi heba dos partecipants mas de nombre y país desconoixitos, que facioron tres tiradas con un disco de dos kilogramos de peso dende un cuadrato de 2,50 metros, os tres primeros claseficaus dimpués de tres tiradas teneban dos mas. O ganador estió Robert Garret, ganador tamién d'a tirada de peso, o segundo y tercer estioron respectivament Panagiotis Paraskevópulos y Sotirios Versísos os d'os atletas griegos.

Claseficación

Posición	Atleta	País	Distancia
1	Robert Garret	Estatos Unitos	29,15 m.
2	Panagiotis Paraskevópulos	Grecia	28,95
3	Sotirios Versísos	Grecia	27,78 m.
4	George Stuart Robertson	Reino Unito	25,20 m.
5	Viggo Jensen	Dinamarca	Desconoixito
6	Georgios Papasideris	Grecia	Desconoixito
7-8	Holger Nielsen	Dinamarca	Desconoixito
	Alphonse Grisel	Francia	Desconoixito
9	Henrik Sjöberg	Suecia	Desconoixito

Vinclos externos

• (en) A tirada de disco en os Chuegos Olimpicos d'Atenas 1896 en sports-reference.com.