Alphonse Grisel
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Alphonse Grisel 
| ||
|---|---|---|
| ||
| Información personal | ||
| Naixencia | 9 d'aviento de 1872 [1] París, Francia.
| |
| Muerte | 13 d'aviento de 1942 ? | |
| Esporte | Atletismo, chimnasia y natación. | |
| Récord de Francia de brinco de largaria (1895-1899 con 6,01 m.)[2] | ||
Alphonse Grisel naixito de París, Francia o 9 d'aviento de 1872 y muerto en puesto desconoixito o 13 d'aviento de 1942 fue un poliesportista que destaco como atleta y chimnasta, que partecipó en los Chuegos Olimpicos d'Atenas de 1896 en qualques prebas d'atletismo, chimnasia y natación.[3] Os suyos equipos estioron o CP Asnières dica 1894 y dende l'anyo 1895 o Racing Club de France d'a ciudat de París.
En atletismo cal destacar que fue campión de Francia de brinco de largaria en l'anyo 1896, subcampión en 1893, 1895, 1898 y tercero en 1894. En a mesma preba tamién cal destacar que tenió o récord d'o suyo país. Atra preba en a que tenió resultaus destacaus estió os 400 metros cletas con un subcampionato de Francia en 1895.
Con a selección de Francia partecipó en os Chuegos Olimpicos d'Atenas 1896 en as prebas de 100, 400, brinco de largaria y tirada de disco con resultaus y tiempos discretos u desconoixitos. Partecipó en a preba chimnastica d'as barras paralelas con resultau desconoixito, tamién yera inscrito en qualques pruebas de natación en as que no partecipó. En ixos mesmos chuegos dimfuera d'a partecipación de competicions esportivas acompanyó en bicicleta a suyo amico Albin Lermusiaux mientres a preba d'a maratón.[4]
Fue militar en l'exercito francés, y exerció como arquitecto treballando prencipalment en o lugar de Saint Quentin en o norte de Francia.
Referencias[editar | modificar o codigo]
Vinclos externos[editar | modificar o codigo]
- (en) Biografía d'Alphonse Grisel en Sports Reference.
- (fr) Biografía esportiva en a pachina web d'a Federación Francesa d'Atletismo.
| Récords de Francia d'atletismo | ||
|---|---|---|
| Predecesor: Jean Gluckowski |
Récord de Francia de brinco de largaria 30 de mayo de 1895 - 18 de chunio de 1899 |
Succesor: Lewis Sheldon
|