Henrik Sjöberg
Henrik Sjöberg 
| ||
|---|---|---|
| ||
| Información personal | ||
| Calendata naiximiento: | 20 de chinero de 1875. | |
| Puesto naiximiento: | Estocolmo, Suecia. | |
| Calendata muerte: | 1 d'agosto de 1905. | |
| Puesto muerte: | Helsingør, Dinamarca. | |
| Esporte: | Atletismo y chimnasia | |
Kristian Henrik Rudolf Sjöberg conoixito esportivament como Henrik Sjöberg naixito d'Upssala, Suecia o 20 de chinero de 1875 y muerto en Helsingør, Dinamarca l'1 d'agosto de 1905 fue un atleta y chimnasta sueco, que partecipó en los Chuegos Olimpicos d'Atenas 1896 en qualques prebas d'atletismo y chimnasia.[1]
En atletismo as suya millors marcas conoixitas mientres a suya curta vita esportiva estioron 12,4 s. en os 100 metros lisos, 1,78 en brinco d'altaria, 6,09 m en brinco de largaria y 26,48 en a tirada de disco. Mientres a suya vita esportiva o suyo unique club estió o Stockholms AF d'a ciudat d'Estocolmo.
En atletismo en os Chuegos Olimpicos d'Atenas partecipó en qualques prebas: 100 metros lisos estando quatreno en a suya serie y no podió partecipar en a final, en brinco de largaria estió quatreno en a final con un brinco de 1,60 m., tamién partecipó en brinco de largaria y tirada de disco prebas en as que son desconoixitas a suyas marcas y claseficacions.
En os mesmo Chuegos tamién partecipó en o salto d'o potro incluyita en o programa de chimnasia, a suya puntuación y claseficación tamién ye desconoixita.
Morió de forma prematura en l'anyo 1905 mientres nadaba en Helsingør, una ciudat de l'este de Dinamarca.