Holger Nielsen
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Holger Nielsen 
| ||
|---|---|---|
| Información personal | ||
| Naixencia | 18 d'aviento de 1866 Copenaguen, Dinamarca.
| |
| Muerte | 26 de chinero de 1955 Hellerup, Dinamarca.
| |
| Esporte | tiro, esgrima y atletismo. | |
| Chuegos Olimpicos | ||
| Archent | Atenas 1896 | Tiro olimpico |
| Bronce | Atenas 1896 | Tiro olimpico |
| Chuegos Olimpicos | ||
| Bronce | Atenas 1896 | Esgrima |
Holger Louis Nielsen, conoixito esportivament como Holger Nielsen, naixito de Copenaguen o 18 d'aviento de 1866 y muerto en Hellerup o 26 de chinero de 1955 fue un profesor y poliesportista danés que partecipó en tiro, esgrima y atletismo en os Chuegos Olimpicos de 1896 celebraus en Atenas tamién yera inscrito en 3 prebas de natación pero se creye que no partecipó en garra preba.
Anque en atros ambitos ye mas conoixito por establir as primeras reglas d'o handbol moderno en 1898 y o desembolique d'una tecnica de reanimación cardiopolmonar que estió substituyida en 1955 por l'actual boca a boca.
Chuegos Olimpicos[editar | modificar o codigo]
En os chuegos consiguió un total de tres medalla, una d'archent y una de bronce en tiro y unatra de bronce en esgrima, en atletismo partecipó en a preba de tirada de disco consiguiendo una setena o ueitena posición con una marca desconoixita, tamién yera inscrito en a tirada de peso y tres prebas de natación pero se creye que no partecipó en garra d'ellas.[1]
Atras actividaz[editar | modificar o codigo]
Fue profesor en una escuela y cuan o director de ixa escuela prohibió a os alumnos patear a pilota en o patio desembolicó un chuego ta chugar con as mans, establindo as primeras reglas de l'actual handbol, Nielsen publicó istas reglas en o libro Vejledning i håndbold en 1906.
Cal destacar o suyo interes por toz os esports y a empenta ta encetar a federación Danesa de Chimnasia y l'Asociación Danesa de Natación d'as que fue cofundador.
Tamién ideó y desembolicó en l'anyo 1932 o metodo Holger Nielsen una tecnica de reanimación de personas ofegatas que yera a recomendata por as autoridaz sanitarias dende 1932 dica 1951 cuan estió substituyida por l'actual tecnica conoixita como boca a boca.
Bibliografía[editar | modificar o codigo]
- Nielsen, Holger. Vejledning i håndbold , 1906.