Tinenza de Benifazán

De Biquipedia
Ir a la navegación Ir a la búsqueda
Localización de la comarca natural de la Tinenza de Benifazán seguntes o estudeyo de comarcalización d'Emili Beüt i Belenguer.
La Tinenza de Benifazán y lo suyo emplazamiento contimparando con la comarca de lo Baixo Mayestrato

La Tinenza de Benifazán (Tinença de Benifassà u Setena de Benifassà en catalán) ye una comarca historica de lo País Valencián que huei se troba integrata en la comarca de lo Baixo Mayestrato.

I pertenexen los lugars de Castiel de Crabas, La Puebla de Benifazán (que encara son municipios), y Lo Ballestar, Lo Boixar, Corachán, Fridas (integratos en lo municipio de la Puebla de Benifazán) y Biel (integrato en lo municipio de Rossell).

La Tenencia apareixe como una comarca natural en lo mapa de comarca d'Emili Beut i Belenguer, Comarques naturals del Regne de Valencia, de l'anyo 1934.

En lo periodo musulmán i heba un castiello que controlaba a comarca, lo castiello de Beni-Hassan. Estas tierras, conqueritas dalto u baixo por l'anyo 1230, pasoron a depender de Catalunya entre 1260 y 1262 chunto con Vallibana e Rossell (asinas tota a cuenca de lo río Cenia dependeba de Catalunya).

Chaime I d'Aragón mandó costruir chunto a lo castiello un monesterio, la primera fundación d'a Orden de Cistels en la Comunidat Valenciana. La comarca perteneixió en feudo a l'Abate de lo monesterio. La muga con Bezeit no yera clara y arbitró en lo litichio lo duc d'Íxar, dando razón a los bezeitans, y por ixo en o termin de Bezeit pueden trobar-sen cruzes de lo monesterio de Benifazán entallatas en las rocas. Huei lo monesterio ye ocupato por monchas cartuxas de Sant Bruno.