The Matrix
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| The Matrix | |
|---|---|
| |
| Ficha tecnica | |
| Dirección | Os Wachowskis |
| Producción | Joel Silver |
| Guión | Os Wachowskis |
| Musica | Don Davis |
| Fotografía | Bill Pope |
| Montache | Zach Staenberg |
| Actors | Keanu Reeves Laurence Fishburne Carrie-Anne Moss Hugo Weaving Joe Pantoliano |
| Datos y cifras | |
| País(es) | Estados Unitos |
| Anyo | 1999 |
| Chenero | cine de sciencia ficción |
| Durada | 136 min. |
| Idioma(s) | Anglés |
| Companyías | |
| Productora | Warner Bros. |
| Distribución | Warner Bros. |
| Presupuesto | 63 millons de dólars |
The Matrix ye una cinta d'acción de sciencia ficción estausunidense de 1999 escrita y dirichida por os Wachowski, y producida por Joel Silver.[1] Ye protagonizada por Keanu Reeves, Laurence Fishburne, Carrie-Anne Moss, Hugo Weaving y Joe Pantoliano y ye a primera entrega d'a franquicia Matrix.
Represienta un futuro distopico en o qual a humanidat ye atrapada sin saber-lo dentro d'una realidat simulada, a Matrix, creyada por maquinas intelichents pa distrayer a os humans mientres usan os suyos cuerpos como fuent d'enerchía. Quan o programador informatico Thomas Anderson (Keanu Reeves), baixo l'alias de hacker Neo, descubre a verdat, se veye arrocegau a una rebelión contra as maquinas de conchunta con atras personas que han estau liberadas de Matrix.
Matrix ye un eixemplo d'o subchenero cyberpunk d'a sciencia ficción. L'enfoque d'os Wachowski ent'as scenas d'acción estió influenciado por l'animación chaponesa y as cintas d'artes marcials, y l'uso de coreografos de luita y tecnicas de wire fu d'o cine d'acción d'Hong Kong influyó en as produccions posteriors de cintas d'acción d'Hollywood. A cinta popularizó un efecto visual conoixiu como "tiempo bala" (en anglés "bullet time"), en o qual a camera pareixe mover-se por a scena a velocidat normal entremistanto os movimientos acceleraus de bells personaches. Si bien qualques criticos han aponderau a cinta por a suya maneyo de temas dificils, atros han dito que os temas mas profundos se veyen enuembracius en gran mida por as suyas scenas d'acción.
Matrix estió lanzau por primera vegada en os Estaus Unius o 31 de marzo de 1999 y replegó mas de $ 460 millons en totz. Estió bien recibiu por muitos criticos y ganó quatro premios Oscar, asinas como atros premios, incluius os premios BAFTA y os premios Saturn. Matrix estió elogiada por os suyos innovadors efectos visuals, seqüencias d'acción, cinematografía y valor d'entretenimiento. A cinta se considera una d'as millors cintas de sciencia ficción de totz os tiempos, y s'adhibió a o Rechistro Nacional de Cintas pa la suya conservación en 2012.[2] L'exito d'a cinta levó a lo lanzamiento de dos seqüelas de largometraches en 2003, The Matrix Reloaded y The Matrix Revolutions, que tamién estioron escritas y dirichidas por os Wachowski, y producidas por Joel Silver. A franquicia Matrix s'expandió encara mas a traviés d'a producción de cómics, videochuegos y curtometraches animaus, en os quals os Wachowski estioron muit involucrados. A franquicia tamién ha inspirau libros y teorías que enamplan qualques d'as ideyas relichiosas y filosoficas a as qualas s'alude en as cintas. Una quatrena cinta, The Matrix 4, ye programada pa enguerar-se o 22 d'aviento de 2021.
Reparto[editar | modificar o codigo]
- Keanu Reeves,en o papel de Neo
- Laurence Fishburne,en o papel de Morpheus
- Carrie-Anne Moss,en o papel de Trinity
- Hugo Weaving,en o papel de Agent Smith
- Joe Pantoliano,en o papel de Cypher
- Marcus Chong,en o papel de Tank
- Anthony Ray Parker,en o papel de Dozer
- Julian Arahanga,en o papel de Apoc
- Matt Doran,en o papel de Mouse
- Gloria Foster,en o papel de The Oracle
- Belinda McClory,en o papel de Switch
- Paul Goddard,en o papel de Agent Brown
- Robert Taylor,en o papel de Agent Jones
- Ada Nicodemou,en o papel de DuJour
Argumento[editar | modificar o codigo]
En un hotel albandonau adintro d' una ciudat important, una muller (que dimpués se revela como Trinity) ye enculada por un escuadrón de policía, pero os domina con habilidatz sobrehumanas. Ella fuye, encorrida por a policía y un grupo de misteriosos achents con traches capables de realizar fetas sobrehumanas semellants. Responde a un telefono publico que sona y desapareixe un inte antis de que os achents estampen un cambión contra a cabina.
O programador informatico Thomas Anderson, conoixiu en a scena de l'hackeo por o suyo alias "Neo", siente que bella cosa camina malament en o mundo y ye desconcertau por as repetidas trobadas en linia con a frase "Matrix". Trinity lo contacta y le diz que un hombre clamau Morpheus tien as respuestas que busca. Un equipo d'achents y policías, liderau por l'achent Smith, plega a lo puesto de treballo de Neo buscando-lo. Manimenos l'intento de Morpheus de guiar a Neo a un puesto seguro por telefono, Neo ye capturau y obligau a aduyar a os Achents a localizar a Morpheus, a qui consideran un "terrorista conoixiu". Dimpués, Neo conoixe a Morpheus, qui le ofreix a posibilidat d'esleyer entre dos pindolas; a roya pa revelar a verdat sobre Matrix y l'azul pa tornar-lo a la suya vida anterior. Dimpués de que Neo trusque a pindola roya, a suya realidat s'esvoldrega y se dispierta en una capsula líquida plena de limo, sin ropa, con os suyos musclos atrofiaus y debilitaus, entre innombrables atros cables connectaus a un elaborau sistema electrico. Lo recuperan y lo levan a bordo d'a nau voladora de Morfeo, o Nabucodonosor.
Mientras Neo se recupera d'una vida d'inactividat fisica d'a capsula, Morpheus explica a verdat. En primerías d'o sieglo XXI, i habió una guerra entre humans y maquinas intelichents. Quan os humans blocoron l'acceso d'as maquinas a l'enerchía solar, as maquinas cullioron o poder bioelectrico d'os humans, mantenendo-los pacificaus adintro de Matrix, una realidat simulada compartida modelada a partir d'o mundo tal como existiba en zaguerías d'o sieglo XX. As maquinas s'han apoderau d'o mundo; a ciudat de Zion ye o zaguer cubillar d'humans libres. Morpheus y a suya tripulación son una colla de rebeldes que piratean Matrix pa "desconnectar" a os humans esclavizaus y reclutar-los; a suya comprensión d'a naturaleza simulada de Matrix les permite doblar as suyas leis fisicas. Morpheus advierte a Neo que a muerte adintro de Matrix mata o cuerpo fisico, y os Achents que conoixió son poderosos programas informaticos que eliminan as menazas a lo sistema, entre que que as maquinas clamadas Sentinels destruyen a os rebeldes en o mundo real. A traza de Neo mientres l'entrenamiento de combate virtual le da credibilidat a la creyencia de Morpheus de que Neo ye "l'Eslechito", un humán especialment poderoso profetizau pa liberar a l'humanidat y meter fin a la guerra.
O grupo ingresa a Matrix pa visitar a l'Oraclo, a profeta que predició o surtimiento de l'Eslechito. Ella le suchiere a Neo que ell no ye l'Eslechito y le advierte que habrá que esleyer entre a vida de Morfeus y a suya propia. O grupo ye emboscado por achents y a policía, avisaus por Cypher, un miembro d' a tripulación malcontén que traiciona a Morpheus a cambeo d'una vida acoflada en Matrix. Morpheus se deixa capturar pa que a resta d'a tripulación pueda fuyir. Cypher se'n sale lo primer de Matrix y asasina a quantos miembros d'a tripulación entre que chacen indefensos en o mundo real. Antis de que pueda matar a Neo, Cypher ye asesinado por Tank, un tripulante a lo que solament firió.
En Matrix, os Achents interrogan a Morpheus pa aprender os suyos codigos d'acceso a l'ordinador central en Zion. Tank proposa matar a Morpheus pa privar isto, pero Neo resuelve tornar enta Matrix pa rescatar a Morpheus, como lo profetizó l'Oraclo; Trinity insiste en que l'acompanye. Mientres rescata a Morpheus, Neo gana confianza en as suyas habilidatz, realizando fetas comparables a las d'os Achents. Morpheus y Trinity salen de Matrix, pero Smith embosca y mata a Neo antis de que pueda ir-se-ne. Mientres un grupo de Centinels ataca a la nau Nabucodonosor, Trinity le mormostia a Neo que no puede estar muerto, perque ella l'ama y l'Oraclo le dició que s'enamoraría de l'Eslechito. Ella besa a Neo y ell revive con un nuevo poder pa percibir y controlar Matrix. Ell redota sin esfuerzo a Smith y deixa a Matriz chusto a tiempo pa que o pulso electromagnetico d'a nau inhabilite a los Sentinels.
Más tardi, Neo fa una gritada telefonica adintro de Matrix, prometendo a las maquinas que les amostrará a os suyos prisioneros "un mundo an tot ye posible". Pencha lo telefono y vuela ent'o ciel.
Referencias[editar | modificar o codigo]
- ↑ (de) Steven Jay Schneider:101 Science Fiction Filme: Die Sie sehen sollten, bevor das Leben vorbei ist, Edition Olms, 2012, ISBN 9783283011697, p.377
- ↑ (en) [1] en Los Angeles Times