The Karate Kid

Iste articlo ye sobre una cinta estausunidense de cine de drama d'artes marcials de 1984; ta la franquicia chenerada por a cinta se veiga The Karate Kid (franquicia).

The Karate Kid
Títol	The Karate Kid
Ficha tecnica
Dirección	John G. Avildsen
Producción	Jerry Weintraub
Disenyo de producción	William J. Cassidy
Guión orichinal	Robert Mark Kamen
Musica	Bill Conti
Fotografía	James Crabe
Montache	John G. Avildsen Walt Mulconery Bud S. Smith
Escenografía	John H. Anderson
Vestuario	Richard Bruno Aida Swinson
Maquillache	E. Thomas Case
Peluquería	Cheri Ruff
Efectos especials	Frank Toro
Casting	Pennie DuPont Caro Jones Bonnie Timmermann
Actors	Ralph Macchio Pat Morita William Zabka Elisabeth Shue Martin Kove Randee Heller Chad McQueen Ron Thomas Tony O'Dell Rob Garrison Pat E. Johnson
Color	Panavision Metrocolor
Datos y cifras
País(es)	Estaus Unius
Anyo	1984
Debantadera	22 de chunio de 1984 Estaus Unius
Chenero(s)	Cine de drama Cine d'artes marcials
Durada	127 min.
Idioma(s)	Anglés Chaponés
Companyías
Productora(s)	Delphi II Productions Jerry Weintraub Productions
Distribución	Columbia Pictures
Presupuesto	8 millons de dólars
Recauto	130,8 millons de dólars
Succesión de cintas
Succedida por	The Karate Kid Part II (1986, John G. Avildsen)
Informacions en bases de datos especializadas:

The Karate Kid (títol orichinal en anglés, en aragonés O zagal de karate, enguerada en Aragón con o títol en castellano de Karate Kid, el momento de la verdad, en aragonés Karate Kid, o momento d'a verdat) ye una cinta de cine estausunidense de cine de drama d'artes marcials enguerada l'anyo 1984, dirichida por John G. Avildsen seguntes un guión orichinal de Robert Mark Kamen, con una banda sonora orichinal de Bill Conti, una dirección de fotografía de James Crabe, una producción cinematografica de Jerry Weintraub ta las productoras Delphi II Productions y Jerry Weintraub Productions y con un elenco d'o cual fan parte, entre d'atros actors, Ralph Macchio, Pat Morita, William Zabka, Elisabeth Shue, Martin Kove, Randee Heller, Chad McQueen, Ron Thomas, Tony O'Dell, Rob Garrison y Pat E. Johnson.

Daniel LaRusso ye un choven de 17 anyadas que vive con su mai en Newark (Nueva Jersey) pero ista se treslada a treballar a Los Angeles en California. Daniel troba bels problemas con bels companyeros d'o suyo instituto pero encara mas cuan amanixe un intrés mutuo con Ali Mills, una polida mesacha animadora d'os esportes. L'antigo novio d'a mesacha, Johnny Lawrence, ye cinturón negro de karate y lidera una colla de practicants d'ixe esporte que pertenexen a lo dojo Cobra Kai, y s'adedica a perseguir a Daniel. Ble día, cuan l'han encorralau, lo salva lo sinyor Miyagi, que da codillo con facilidat a los atacants. Miyagi ye nativo d'Okinawa y como Daniel ve que conoixe bien o karate, li demana que sía lo suyo entrenador. Tanimientres, as clases de karate no son como Daniel contaba, encara que son bien efectivas. Y ta conseguir que dixen tranquilo a Daniel, Miyagi l'inscribe en un campionato de karate, a on habrá de luitar contra los miembros d'o Cobra Kai.

Ye una cinta que dio orichen a una franquicia cinematografica, The Karate Kid (franquicia), protagonizada por Ralph Macchio y Pat Morita, y que continó con The Karate Kid Part II (1986, John G. Avildsen), The Karate Kid Part III (1989, John G. Avildsen) y The Next Karate Kid (1994, Christopher Cain), encara que en ista zaguera cinta no partecipó Ralph Macchio. S'ambienta en a suya epoca actual (1984) en Newark (Nueva Jersey) y Los Angeles (California) y las suyas escenas se rodoron en Agoura Hills, Calabasas, Los Angeles, Malibu, Norwalk y Westlake Village (California), Harrison (Nueva Jersey) y Phoenix, Sedona y atros puestos d'Arizona.

The Karate Kid ye una cinta que ha recibiu bels premios y nominacions, en destacando una nominación a los Premios Oscar (Millor Actor Segundario) en a suya 57^ena edición y una nominación a los Premios Globos d'Oro (Millor Actor Segundario) en a suya 42^ena edición.

Elenco

Actor	Papel	Notas
[[]]	'

Se veiga tamién

• Cine en 1984.
• Cintas de 1984.

Vinclos externos

• (en) The Karate Kid en Internet Movie Database.
• (en) The Karate Kid en TCM Movie.
• (en) The Karate Kid en Box Office Mojo.
• (en) The Karate Kid en Rotten Tomatoes.

• Datos: Q846679