The Hawaiians (cinta)
- Iste articlo ye sobre una cinta estausunidense de cine epico historico de l'anyo 1970: ta atros usos, se veiga The Hawaiians.
The Hawaiians (títol orichinal en anglés, en aragonés Os hawaianos, enguerada en Aragón con o títol en castellano de Los indomables, en aragonés Os indomables) ye una cinta de cine estausunidense de cine de drama d'aventuras epico-historicas enguerada l'anyo 1970, dirichida por Tom Gries seguntes un guión adaptau por James R. Webb (basau en a novela Hawaii, que heba publicau James A. Michener l'anyo 1959), con una banda sonora orichinal de Henry Mancini, una dirección de fotografía de Lucien Ballard y Philip H. Lathrop y una producción cinematografica de Walter Mirisch ta la suya productora cinematografica The Mirisch Production Company. Forman l'elenco d'actors d'a cinta, en os suyos papels principals, Charlton Heston, Tina Chen, Geraldine Chaplin, John Phillip Law, Alec McCowen, Mako, Don Knight Milton, Miko Mayama, Virginia Lee, Tanya Chang, Naomi Stevens, Harry Townes, Khigh Dhiegh, Keye Luke, James Gregory y Lyle Bettger.
A cinta contina con a historia encetada en Hawaii (1966, George Roy Hill). Whip Hoxworth ye un capitán de barco que torna en a isla d'Oahu con o barco Corinthian cargau de treballadors chineses que treballarán cuasi que como esclavos. Torna decidiu a reclamar-li a su avuelo lo control d'a naviera propiedat d'a familia, pero se troba que mientres o suyo viache a traviés de l'oceano Pacifico su avuelo ha muerto y ha dixau l'herencio a su prima Malama y a su mariu, Micah Hale, y a Whip, la uella negra d'a familia, nomás li ha dixau que una chicota propiedat en una redolada estéril en no haber-ie augua. En o barco, que nomás transportaba que hombres, viachaba tamién Bong Nyuk Tsin, una choven d'etnia hakka a qui heba secuestrau un d'os viacheros t'adedicar-la a la prostitución, pero que en morir lo secuestrador un atro viachero, Mun Ki decide protecher-la y fer-la pasar por a suya muller. Purity, la muller de Whip, decide contractar a la parella, prencipiando asinas una estreita relación entre las dos familias, que s'enampla cuan todas dos tienen un fillo y Purity no tiene leit, fendo-le tetar Tsin, a qui agora clamarán tía de Wu Chow en considerar que la verdadera mai d'o fillo que ha teniu ye la esposa chinesa de Mun Ki. En teoría, cuan tornen en China, Mun Ki conservará los fillos y Wu Chow marchará sin fillos ni esposo. En consecuencia, ista decide que mai no tornará en China y decide fer casa conseguindo lo maximo posible de diners y de propiedaz, y poquet a poquet enampla lo suyo patrimonio. A la vegada Whip ha contractau a un buscador de pozos que finalment ha posiu trobar augua, conseguindo asinas rendabilizar as suyas tierras. Todas dos familias prosperan visiblement, encara que Mun Ki enferma de lepra y lo levan a una leprosería. Pasan os anyos, y agora qui plega en as islas ye la primera oliada d'inmigrants chaponeses, a la vegada que lo fillo de Whip s'enamora d'a filla de Wu Chow. D'atra man, Whip s'implica en una conspiración ta derrocar a Liliʻuokalani, la reina d'o Reino de Hawaii, y anexionar as islas a los Estaus Unius.
A cinta s'ambienta en Hawaii en a segunda metat d'o sieglo XIX y las suyas escenas se filmoron en cuantas localizacions en islas de Hawaii y tamién en estudios cinematograficos en West Hollywood en California.[2]
The Hawaiians recibió bellas nominacions a bels premios cinematograficos, en destacando una nominación a los Premios Oscar en a suya 43ena edición a lo Millor Disenyo de Vestuario y una nominación a los Premios Globos d'Oro en a suya 28ena edición a la Millor Actriz Segundaria.
Elenco[3]
[editar | modificar o codigo]| Actor | Papel | Notas |
|---|---|---|
| [[]] | ' |
Se veiga tamién
[editar | modificar o codigo]Referencias
[editar | modificar o codigo]- ↑ (en) Enguero de The Hawaiians en Internet Movie Database.
- ↑ (en) Localizacions de The Hawaiians en Internet Movie Database.
- ↑ (en) The Hawaiians en Internet Movie Database.
- Cintas por títol
- Cintas de 1970
- Cintas ambientadas en Hawaii
- Cintas ambientadas en o sieglo XIX
- Cintas con banda sonora orichinal de Henry Mancini
- Cintas con dirección de fotografía de Lucien Ballard
- Cintas con dirección de fotografía de Philip H. Lathrop
- Cintas con guión de James R. Webb
- Cintas con montache de Byron W. Brandt
- Cintas con montache de Ralph E. Winters
- Cintas de cine d'aventuras
- Cintas de cine de drama
- Cintas de cine epico
- Cintas de cine historico
- Cintas d'Estaus Unius
- Cintas dirichidas por Tom Gries
- Cintas en anglés
- Cintas en chaponés
- Cintas en chinés
- Cintas en Panavision
- Cintas interpretadas por Alec McCowen
- Cintas interpretadas por Charlton Heston
- Cintas interpretadas por Don Knight Milton
- Cintas interpretadas por Geraldine Chaplin
- Cintas interpretadas por Harry Townes
- Cintas interpretadas por James Gregory
- Cintas interpretadas por John Phillip Law
- Cintas interpretadas por Keye Luke
- Cintas interpretadas por Khigh Dhiegh
- Cintas interpretadas por Lyle Bettger
- Cintas interpretadas por Mako
- Cintas interpretadas por Miko Mayama
- Cintas interpretadas por Naomi Stevens
- Cintas interpretadas por Tanya Chang
- Cintas interpretadas por Tina Chen
- Cintas interpretadas por Virginia Lee
- Cintas producidas por Walter Mirisch
- Cintas rodadas en Hawaii
- Cintas rodadas en West Hollywood (California)