The Guns of Fort Petticoat

The Guns of Fort Petticoat
Títol	The Guns of Fort Petticoat
Póster d'a cinta.
Ficha tecnica
Dirección	George Marshall
Producción	Harry Joe Brown
Guión adaptau	Walter Doniger
Basau en	Petticoat Brigade, un relato curto de 1955 de C. William Harrison
Musica	Mischa Bakaleinikoff
Fotografía	Ray Rennahan
Montache	Al Clark
Actors	Audie Murphy Kathryn Grant Hope Emerson Jeff Donnell Jeanette Nolan Sean McClory Ernestine Wade Peggy Maley Isobel Elsom
Color	Technicolor
Datos y cifras
País(es)	Estaus Unius
Anyo	1957
Debantadera	16 d'abril de 1957 Estaus Unius
Chenero(s)	Cine de western
Durada	81 min.
Idioma(s)	Anglés
Companyías
Productora(s)	Brown-Murphy Pictures
Distribución	Columbia Pictures
Recauto	1.080.000 dólars
Informacions en bases de datos especializadas:

The Guns of Fort Petticoat (títol orichinal en anglés, en aragonés Os canyons de Fort Petticoat, enguerada en Aragón con o títol en castellano de La brigada de la muerte, en aragonés A brigada d'a muerte, y tamién Brigada de mujeres, en aragonés Brigada de mullers) ye una cinta de cine estausunidense de cine de western de l'anyo 1957 dirichida por George Marshall seguntes un guión adaptau por Walter Doniger basau en Petticoat Brigade, un relato curto de 1955 de C. William Harrison, con una dirección de fotografía de Ray Rennahan, una banda sonora orichinal de Mischa Bakaleinikoff y una producción cinematografica de Harry Joe Brown ta la productora cinematografica Brown-Murphy Pictures. en l'elenco d'a cinta podemos trobar en os suyos papels principals a actors como Audie Murphy, Kathryn Grant, Hope Emerson, Jeff Donnell, Jeanette Nolan, Sean McClory, Ernestine Wade, Peggy Maley u Isobel Elsom.

A cinta s'ambienta en 1864 mientres a Guerra Civil d'os Estaus Unius y lo suyo protagonista, o tenient Frank Hewitt, ye un militar d'orichen texano que fa parte d'a United States Cavalry, parte de l'exercito estausunidense y que, en estar d'orichen sudista, han destinau a cosirar a muga con as tribus indias, baixo lo mando d'o coronel John Chivington. Cuan iste ordena fer una mortalera con uns indios desarmaus, a masacre de Sand Creek, Hewitt decide desertar en ser conscient que os indios se vengarán en atacando Texas, a on no quedan so que mullers en haber estau os varons alistaus en l'exercito confederau ta luitar en a guerra civil. A cinta se rodó en Tucson y atras localidaz d'Arizona, incluyindo-ie o desierto de Sonora, y en un rancho en California.

Elenco^[1]

Actor	Papel	Notas
	'