The Alamo (cinta de 2004)

Iste articlo ye sobre una cinta esteusunidense de cine de western belico de l'anyo 2004; ta atros usos, se veiga The Alamo y The Alamo (cinta).

The Alamo
Títol	The Alamo
Póster d'a cinta.
Ficha tecnica
Dirección	John Lee Hancock
Dirección artistica	Lauren E. Polizzi Dan Webster
Producción	Ron Howard Mark Johnson
Disenyo de producción	Michael Corenblith
Guión orichinal	John Lee Hancock Leslie Bohem Stephen Gaghan
Musica	Carter Burwell
Fotografía	Dean Semler
Montache	Eric L. Beason
Escenografía	Carla Curry
Vestuario	Daniel Orlandi
Casting	Ronna Kress
Actors	Dennis Quaid Billy Bob Thornton Jason Patric Patrick Wilson Emilio Echevarría Jordi Mollà Leon Rippy Tom Davidson Marc Blucas Robert Prentiss Kevin Page Joe Stevens Stephen Bruton Laura Clifton Ricardo Chavira Emily Deschanel Brandon Smith W. Earl Brown Tom Everett Rance Howard Stewart Finlay-McLennan Cástulo Guerra
Color	Panavision Technicolor
Datos y cifras
País(es)	Estaus Unius
Anyo	2004
Debantadera	27 de marzo de 2004 San Antonio (Texas, Estaus Unius) 9 d'abril de 2004 Estaus Unius
Chenero(s)	Cine de western Cine belico Cine historico
Durada	138 min.
Idioma(s)	Anglés Castellano
Companyías
Productora(s)	Touchstone Pictures Imagine Entertainment
Distribución	Buena Vista Pictures Distribution
Presupuesto	107 millons de dólars
Recauto	25,8 millons de dólars
Informacions en bases de datos especializadas:

The Alamo (títol orichinal en anglés, en aragonés El Álamo, enguerada en Aragón con iste zaguer títol) ye una cinta de cine estatsunidense de western historico-belico, enguerada l'anyo 2004, dirichida por John Lee Hancock seguntes un guión orichinal d'él mesmo, de Leslie Bohem y de Stephen Gaghan, con una dirección de fotografía de Dean Semler, una banda sonora orichinal de Carter Burwell, una producción cinematografica de Ron Howard y Mark Johnson ta las productoras Touchstone Pictures y Imagine Entertainment y que conta con un elenco d'o cual en fan parte, entre d'atros, os actors Dennis Quaid, Billy Bob Thornton, Jason Patric, Patrick Wilson, Emilio Echevarría, Jordi Mollà, Leon Rippy, Tom Davidson, Marc Blucas, Robert Prentiss, Kevin Page, Joe Stevens, Stephen Bruton, Laura Clifton, Ricardo Chavira, Emily Deschanel, Brandon Smith, W. Earl Brown, Tom Everett, Rance Howard, Stewart Finlay-McLennan y Cástulo Guerra.

A cinta se centra en a batalla d'El Álamo mientres a Guerra d'Independencia de Texas, en l'anyo 1835, y conta cómo Sam Houston preba de convencer a los estausunidenses ta que emigren enta Texas y conoix a David Crockett, a lo mesmo tiempo que en San Felipe se troba reunida una asambleya de dirichents texanos dimpués de rebelar-se contra Mexico, redotar a las tropas de l'exercito mexicano en a batalla de Béjar y fer a conquiesta d'a ciudat de San Antonio de Béjar. D'atra man, os mexicans reaccionan y lo propio president de Mexico, Antonio López de Santa Anna, manda las tropas que marchan enta Texas ta safocar a rebelión. Os texans se troban dividius, o partiu favorable a la guerra ye partidario de que las tropas texanas marchen enta lo sud, trescrucen o río Grande y conquieran a ciudat de Matamoros en Tamaulipas, pero lo partiu que en ye opuesto ye partidario de reconstruyir l'exercito texano y establir un gubierno permanent que proclame la independencia de Texas. Cuan o Gubierno provisional destituye a Sam Houston como comandant de l'exercito texano, iste ordena a Jim Bowie que marche enta San Antonio de Béjar y i destruya las fortificacions, incluyiu El Álamo, retirando-se dimpués. Alabez, o Gubierno provisional texano ordena a William Barret Travis que marche tamién enta San Antonio de Béjar, tome lo mando d'El Álamo y lo conserve. Travis demana refuerces y fa preparativos la la esfensa d'a fortificación, recebindo poquet a poquet chicoz grupos de voluntarios texanos y asperando que i plegue l'exercito texano. Entre ixos chicoz grupos, plega en San Antonio de Béjar David Crockett, qui busca reactivar a suya carrera politica en os Estaus Unius en haber estau redotau en as recients elecions a lo Congreso d'os Estaus Unius, pensando que la luita ya habría terminau. Tanimientres, troba que no s'aspera que i pleguen as tropas de López de Santa Anna que dica meyaus de marzo. Tanimientres, ista ha feito abanzar a las suyas tropas a sobefaixo y plegan o 23 de febrero, cuan os texanos encara no han completau as obras esfensivas d'a ciudat y se veyen obligaus a concentrar-se en El Álamo. Cuan as tropas mexicanas completan o cerco, Bowie preba de pactar con o cheneral Castrillón a retirada d'os texans, pero Travis ordena disparar un canyón contra lo campamento mexicano, rematando asinas abruptament as conversacions. Alabez, López de Santa Anna ordena dentrar a degüella en El Álamo y prencipia una dura batalla, que no remata dica la muerte de toz os texanos. Alabez, Sam Houston, que ha recuperau o mando de l'exercito texano, ordena la retirada d'os texanos, pero cuan López de Santa Anna divide a las suyas tropas ta perseguir a los texanos, pero cuan conoix a noticia, Houston ataca y redota a López de Santa Anna en a batalla de San Jacinto, fendo presonero a lo president mexicano, a qui obliga a reconoixer a independencia de Texas a cambio d'a suya vida.

A cinta s'ambienta en San Antonio y atros puestos de Texas mientres a Guerra d'Independencia de Texas en l'anyo 1835, y las suyas escenas se filmoron en Austin, Bastrop, Dripping Springs, Johnson City y Wimberley en Texas.

Se tracta d'una cinta que ha recibiu bella nominación a bel premio cinematografico, pero que no fa parte d'os premios cinematograficos mas conoixius u destacaus.

Elenco

Actor	Papel	Notas
[[]]	'

Se veiga tamién

• Cine en 2004.
• Cintas de 2004.

Vinclos externos

• Se veigan as imáchens de Commons sobre The Alamo.

• Datos: Q626745
• Multimedia: The Alamo (2004 film) / Q626745