The 7th Dawn

The 7th Dawn
Títol	The 7th Dawn
Póster d'a cinta, obra de Howard Terpning.
Ficha tecnica
Dirección	Lewis Gilbert
Aduyant de dirección	Jack Causey
Dirección artistica	Herbert Smith
Producción	Charles K. Feldman
Disenyo de producción	John Stoll
Guión adaptau	Karl Tunberg
Basau en	The Durian Tree, novela de Michael Keon (1960)
Musica	Riz Ortolani
Fotografía	Freddie Young
Montache	John Shirley Jeremy Saunders
Escenografía	Josie MacAvin
Maquillache	John O'Gorman
Actors	William Holden Capucine Tetsurō Tamba Susannah York Michael Goodliffe Allan Cuthbertson Maurice Denham Sydney Tafler Beulah Quo
Color	Technicolor
Datos y cifras
País(es)	Reino Uniu Estaus Unius
Anyo	1964
Debantadera	13 d'agosto de 1964 Reino Uniu 2 de setiembre de 1964 Nueva York (Nueva York, Estaus Unius)
Chenero(s)	Cine de drama Cine d'aventuras
Durada	123 min.
Idioma(s)	Anglés
Companyías
Productora(s)	Holdean
Distribución	United Artists
Estudio(s)	Merdeka Studios Shepperton Studios
Informacions en bases de datos especializadas:

The 7th Dawn (títol orichinal en anglés, en aragonés O seteno amanixer, enguerada en Aragón con o suyo títol traduciu enta lo castellano como El séptimo amanecer) ye una cinta de cine d'aventuras dramaticas de l'anyo 1964 coproducida por o cine britanico y lo cine estausunidense, dirichida por Lewis Gilbert seguntes un guión adaptau por Karl Tunberg (basau en The Durian Tree, una novela publicada por Michael Keon en 1960), con una banda sonora orichinal de Riz Ortolani, una dirección de fotografía de Freddie Young y una producción cinematografica de Charles K. Feldman ta la productora cinematografica Holdean. De l'elenco d'a cinta en fan parte, e os suyos papels principals, os actors William Holden, Capucine, Tetsurō Tamba, Susannah York, Michael Goodliffe, Allan Cuthbertson, Maurice Denham, Sydney Tafler y Beulah Quo.

En 1945, en rematar a Segunda Guerra Mundial, tres amigos que han luitau chuntos contra l'Exercito Imperial Chaponés salen d'a chungla tropical de Malaisia y d'a clandestinidat. O primero, Ferris , ye un estausunidense, lo segundo, Ng, ye un malayo d'ideolochía comunista y la tercera, Dhana , ye una mestiza franco-vietnamita de qui Ferris ye enamorau, a la vegada que la familia de Dhana ha criau a Ng. En a ceremonia de rendición d'os chaponeses conoixen a Trumpey, l'oficial de l'exercito britanico que será al cudiau d'a rechión. Bien luego Ng marcha enta la Unión Sovietica ta recebir-ie formación. En 1953 o Reino Uniu se resiste a conceder a suya independencia a Malaisia y esclata la clamada "emerchencia malaya" en o marco d'a Guerra Fría, sublevación dirichida por os comunistas contra la ocupación britanica, a la vegada que Ferris s'ha convertiu en propietario d'una prospera plantación de caucho, estando Dhana la suya amant y tamién a dirichent d'un sindicato de mayestros. Ng ye alavez lo dirichent d'os guerrilleros que luitan contra los britanicos, pero encara que ixos guerrilleros atacan os intreses britanicos, siempre respectan a plantación de Ferris. En conoixer os suyos vinclos con Ng, os britanicos li demanan que lo convenza ta dixar de fer ataques porque bien luego concederán a independencia, y Ferris accepta de charrar con él, pero Ng desconfía d'as promesas britanicas y contina la luita. Cuan Ferrir torna con o resultau negativo troba a Trumpey, qui ha tornau en o país como Alto Comisario d'o Reino Uniu ta Malaisia, acompanyau d'a suya filla Candice, qui bien luego amuestra tener intrés amoroso por Ferris. Ixe mesmo día se produz un atentau contra una fiesta organizada por Candice en a residencia oficial de l'Alto Comisario, Carcosa Seri Negara, y como respuesta a l'atentau Trumpey ordena cremar o pueblo a on viviba lo terrorista, fendo que Dhana decida colaborar con Ng y los guerrilleros, augmentando asinas a espiral de violencia. Cuan detienen a Dhana acusada de colaborar con os terroristas y condenando-la a pena de muerte si no diz a on se troba lo suyo campamento, Candice decide entregar-se a los guerrilleros ta salvar a vida de Dhana, a qui admira.

A cinta s'ambienta en Malaisia en dos momentos diferents, en 1945 y 1953, y las suyas escenas se filmoron en escenarios naturals en Malaisia, en os Merdeka Studios en Kuala Lumpur en Malaisia y en os Shepperton Studios en Shepperton (Surrey, Reino Uniu).

The 7th Dawn recibió una nominación a los Premios BAFTA (a la Millor Fotografía) en a suya 18^ena edición.

Elenco

Actor	Papel	Notas
	'

Se veiga tamién

• Cine en 1964.
• Cintas de 1964.

Vinclos externos

• Se veigan as imáchens de Commons sobre The 7th Dawn.

Referencias

• Datos: Q814766
• Multimedia: The 7th Dawn / Q814766