Tinenza de Benifazán

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La Tinenza de Benifazán (Tinença de Benifassà u Setena de Benifassà en catalán) ye una comarca historica de lo País Valenciano que huei se troba integrada en la comarca de lo Baixo Mayestrato.

I perteneixen los lugars de Castiel de Crabas, La Pobla de Benifazán (que encara son municipios), y Lo Ballestar, Lo Boixar, Corachán, Fridas (integraus en lo municipio de la Pobla de Benifazán) y Biel (integrau en lo municipio de Rossell).

La Tenencia apareixe como una comarca natural en lo mapa de comarca d'Emili Beut i Belenguer, Comarques naturals del Regne de Valencia, de l'anyo 1934.

En lo periodo musulmán i heba un castiello que controlaba a comarca, lo castiello de Beni-Hassan. Estas tierras, conquiestas dalto u baixo por l'anyo 1230, pasoron a depender de Catalunya entre 1260 y 1262 chunto con Vallibana y Rossell (asinas tota a cuenca de lo río Cenia dependeba de Catalunya).

Chaime I d'Aragón mandó construir chunto a lo castiello un monesterio, la primera fundación de la Orden de Cistels en lo Reino de Valencia. La comarca perteneixió en feudo a l'abate de lo monesterio. La muga con Beceit no yera clara y arbitró en lo litichio lo duque d'Íxar, dando razón a los beceitans, y por ixo en lo termin de Beceit pueden trobar-sen cruces de lo monesterio de Benifazán entalladas en las rocas. Huei lo monesterio ye ocupau por monchas cartuixas de Sant Bruno.

Datos: Q3571198