Tarta Dobos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tarta Dobos
Tarta Dobos en o Café Gerbeaud de Budapest
Atras denominacions
Dobos torta
Orichen cheografico
Cocina:	Gastronomía hongara
Orichen:	Hongría
Se mincha en:	Centroeuropa.
Categoría:	Postres
Elaboración
Ingredient principal:	chicolate
Ingredients:	Bizcocho, chicolate, manteca y caramelo

A tarta Dobos (en hongaro dobostorta, pronunciato /ˈdoboʃ/) ye una tarta hongara que leva o nombre d'o suyo inventor, o famoso confitero hogaro József C. Dobos (1847–1924), que la creyó en 1884.^[1] Ye formata de cinco capas de bizcocho deseparatas por chicolate y manteca y con carambelo dencima de tot. Entre as diferents capas d'a tarta se gosan meter tamién trocez d'avellanas, nueces, castanyas u almendras, encara que a tarta orichinal no'n leva. Dobos quereba creyar una tarta que podese durar mas que atros pastels, ya que por ixas envueltas as tecnicas de conchelación yeran menos enantatas. O carambelo que leva a tarta por dencima aduya a que ista no s'ixeque. Se conoixe tamién a sobén por o suyo nombre en hongaro Dobos-torta u Dobostorta.

Historía

A tarta Dobos (u Dobosh) amaneixió por primera vegata en a National General Exhibition of Budapest en 1885; Francisco-Chusé I y a suya muller a Emperatriz Isabel yeran entre os primer que la podioron tastar. A tarta se fació popular ascape en toda Europa, ya que yera prou diferent d'a resta de tartas d'a epoca. Yera simple, pero elegant, y s'oposaba a la resta de tartas d'ista mena d'a epoca. Un d'os suyos secretos estió emplegar a crema de manteca, que yera poco conoixita ta par d'alavez; as cremas y glaseatos d'as tartas se gosaban con crema pastelera u nata. A crema de manteca de chicolate y a masa d'a tarta fuoron as dos inventatas por Jozsef C. Dobos.

Dobos viachó por toda Europa y introdució a tarta en toz os puestos a on estió. Mientres muitos anyos a receta yera confidencial, dica que en 1906 se chubiló y deixo a receta orichinal a la Cambra d'Industria de Pastelers y Confiters de Budapest, deixando asinas a posibilidat de que cualsiquier miemro de l'asociación podese fer-la servir.

A tarta Dobos ye conoixita en tot o mundo y existen mas de cient variacions d'a suya receta. Ye habitual que ista tarta se sirva en hotels de luxo, restaurants y pastelerías de tot o mundo. Atro famoso postre hongaro creyato en a mesma epoca ye o Rigo Jancsi.