Tanque
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un tanque u carro de combate y a vegatas tamién dito carro blindato u simplament blindato, ye un vehiclo militar armato y blindato y con un sistema de tracción tot terreno.[1] Os primers vehiclos que feban parti de l'exercito britanico mientres a Primera Guerra Mundial; apareixioron como una respuesta frent a las dificultaz que teneba a infantería convencional cuan heba d'atacar as buegas protechitas por filo de fierro de punchas y metralladoras, contra as que a sobén fracasaba.[2]
O nombre de tanque (en anglés tank, deposito) apareixió en as fabricas britanicas: os treballadors deciban asinas a iste tipo de vehiclos porque creyeban que yeran construyindo depositos d'augua móbils; a lo prencipio, istos vehiclos de combate se camuflaban como depositos de combustible. Os primers tanques no yeran muit efectivos ya que s'estorbaban con prou facilidat, yeran poco blindatos y facilment destruyitos con granadas de mán. O tanque d'a Primera Guerra Mundial no yera un arma muit contundent.[2] Mientres a Segunda Guerra Mundial destacan os Panzer, que yeran os carros de combate d'a Wehrmacht; os primers en portiar radio y que feban servir tacticas de combate mas elaboratas. A importancia que tenioron os tanques mientres a Segunda Guerra Mundial se reflecta en os datos d'a producción sovietica, que gosó fabricar bels 80.000 tanques.[3] Dende a postguerra se desarrolla o tipo dito MBT (de l'anglés main battle tank, "carro prencipal de batalla")[4] con canyons de gran calibre, bien blindato y capable de luitar tanto en una guerra quimica como en una nucleyar.[5]
Istos vehiclos, de traza progresiva, han ito encorporando tot tipo d'innovacions tecnolochicas, como los ordinadors y sistemas de visión nocturna.
Os soldatos que forman o personal que s'encarga d'un tanque gosan estar a sobén cuatre: o conductor, o cargador d'o canyón, l'artillero y o comandant d'o carro, anque en os mas modernos con sistema automatico de carga no cal o cargador, y a tripulación ye de nomás tres personas.
Historia
[editar | modificar o codigo]
O tanque ye un arma móbil feita como solución d'a necesidat de abanzar mientres a batalla con fuego enemigo. Ista ideya de fer un vehiclo u construcció móbil ta abanzar ye muito antiga. Os antigos griegos facieron torres de setio ditas Helepolis, os asirios teneban barreras mobils, l'Imperio Romano teneba torres con ruedas y armaduras, mientres a Edat Media os polacos y checos facieron carros blindatos con metal y Leonardo da Vinchi fació disenyos de vehiclos con ruedas propulsados con hombres ta atacar a l'enemigo.
Istos primeros intentos yeran prencipalment ta facilitar maniobras de setio pero os abances tecnolochicos d'a Revolución industrial amenazaron con convertir as guerras de setio de proporcions chigantinas, conoixitos como guerra de trincheras en as que os trenes blindatos podeban portar muito peso pero solo a on bi heba rails, os avions teneban facilidat ta atacar as lineas de esfensa enemigas pero no podeban abanzar ni esfender as zonas y os primers automobils blindatos britanicos teneban dificultat es os terrenos con trincheras u fango. Os britanicos facioron una incheniosa solución con una combinación d'automóbil blindato, armas montadas en una torreta y tracción con orugas, creyando una nueva arma, o carro de combate blindato. As grans guerras mundials estioron a gran zona de prebas ta o desenvolique d'istas armas.
Primera Guerra Mundial
[editar | modificar o codigo]Os britanicos estioron os que creyeron que o tanque estaria a solución ta a guerra de trincheras. Winston Churchill, creo un comité, o Landships Committee, ta o desembolique d'iste arma y tomando como como base o Rolls Royce blindato que yera utilizau por a Royal Naval Air Service, y con una tracción d'oruga facioron os primers plans.
Referencias
[editar | modificar o codigo]- ↑ von Senger und Etterlin, Dr. F. M. (1960), The World's Armoured Fighting Vehicles, London: Macdonald & Co. (Publishers) Ltd.
- ↑ 2,0 2,1 (en) Deighton, Len (1979): Blitzkrieg: From the rise of Hitler to the fall of Dunkirk, Fakenham: Fakenham Press Limited, ISBN 0-224-01648-2
- ↑ Cooper, Matthew y Lucas, James (1979), Panzer: The Armoured Force of the Third Reich, Book Club Associates
- ↑ ZTZ99 (Type 99) Main Battle Tank(en)
- ↑ Col. Eshel, David (2007), Assessing the performance of Merkava Tanks, Defense Update, [2]. Recuperato lo 16 de mayo de 2008
Vinclos externos
[editar | modificar o codigo]
Se veigan as imáchens de Commons sobre Tanque.- (es) Blog adedicato a os tanques y vehiclos blindados.
